07.10.2026 | 23:48
Արթուր Դանիելյանը կալանավորվեց
Վթար՝ Երևան-Երասխ ավտոճանապարհին․ 5-ամյա երեխայի կյանքը փրկել չի հաջողվել
Հասարակություն
28.07.2023 | 10:42
Հուլիսի 27-ին, ժամը 19։24-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Երասխ ավտոճանապարհին՝ Արևաբույր գյուղի կամրջի մոտակայքում, տեղի է ունեցել ՃՏՊ, կա տուժած. անհրաժեշտ է փրկարարների օգնությունը։ Այս մասին տեղեկացնում է ՆԳՆ-ն։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Երասխ ավտոճանապարհի 17-րդ կմ-ին «Ford» մակնիշի ավտոմեքենան (վարորդ` Ա. Խ., ծնված 1993 թ.) բախվել է ճանապարհի երկաթե արգելապատնեշին։
Մինչ փրկարարների կանչի վայր հասնելը՝ Ա․ Խ․-ն և ուղևոր Մ․ Կ․-ն ( ծնված 2018 թ․) տեղի ուժերով տեղափոխվել են Արտաշատի ԲԿ, որտեղ վերջինս գիտակցության չգալով մահացել է, իսկ Ա. Խ․-ն տեղափոխվել է Երևանի «Էրեբունի» ԲԿ:
Փրկարարներն ապամոնտաժել են երկաթե արգելապատնեշը և ավտոմեքենան տեղափոխել ավտոքարշակի վրա։
