Կոնֆերենցիաների լիգա. «Արարատ-Արմենիան» ոչ-ոքի խաղաց, «Ալաշկերտը» պարտվեց

Fastex Հայաստանի Պրեմիեր լիգայի բրոնզե մեդալակիր «Արարատ-Արմենիան» և լավագույն քառյակլը եզրափակած «Ալաշկերտն» առաջին հանդիպումներն անցկացրին Կոնֆերենցիաների լիգայի որակավորման երկրորդ փուլում:

Vnews.am-ը տեղեկացնում է, որ Վադան Մինասյանի գլխավորած թիմը ՀՖՖ Տեխնիկական կենտրոն/ֆուտբոլի ակադեմիայում 1-1 հաշվով ավարտեց հունական «Արիսի» հետ տնային հանդիպումը: Գոլերը խփվեցին առաջին կեսում. 11-րդ րոպեին «Արարատ-Արմենիային» առաջ մղեց կոդիվուարցի հարձակվող Ուիլֆրիդ Էզան: 9 րոպե անց պատասխան գոլը խփեց հոնդուրասցի կիսապաշտպան Լուիս Պալման՝ ձևակերպելով վերջնական հաշիվը:

Այս զույգի հաղթողի հաջորդ մրցակիցը կլինի Կիևի «Դինամոն»:

«Ալաշկերտը» հյուրընկալեց հունգարական «Դեբրեցենին» ու պարտվեց նվազագույն հաշվով: 50-րդ րոպեին միակ գոլը խփեց Չեռնոգորիայի ազգային հավաքականի կիսապաշտպան Ստեֆան Լոնչարը:

Վահե Գևորգյանի գլխավորած թիմը «Դեբրեցենի» արգելքը հաղթահարելու դեպքում ուժերը կչափի ավստրիական «Ռապիդի» հետ:.

Դիմակայությունների պատասխան հանդիպումները կկայանան օգոստոսի 3-ին:

Հիշեցնենք, որ «Արարատ-Արմենիան» որակավորման առաջին փուլում հետխաղյա 11-մետրանոցներով հաղթել էր ալբանական «Էգնատիային» (1-1, 4-4, 11մ՝ 4-2), իսկ «Ալաշկերտն» ուժեղ էր գտնվել Չեռնոգորիան ներկայացնող «Արսենալ Տիվատից» (1-1, 6-1):

Կոֆերենցիաների լիգա, որակավորման երկրորդ փուլ. առաջին հանդիպումներ

«Արարատ-Արմենիա» – «Արիս»՝ 1-1

Ուիլֆրիդ Էզա, 11 – Լուիս Պալմա, 20

«Ալաշկերտ» – «Դեբրեցեն»՝ 0-1

Ստեֆան Լոնչար, 50