15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Կոնֆերենցիաների լիգա. Առաջին կեսից հետո «Ալաշկերտի» ու «Արարատ-Արմենիայի» խաղերում հաշիվը հավասար է
27.07.2023 | 20:18
Fastex Հայաստանի Պրեմիեր լիգայի բրոնզե մեդալակիր «Արարատ-Արմենիան» և լավագույն քառյակլը եզրափակած «Ալաշկերտը» մեկնարկեցին Կոնֆերենցիաների լիգայի որակավորման երկրորդ փուլում:
Vnews.am-ը տեղեկացնում է, որ Վադան Մինասյանի գլխավորած թիմը ՀՖՖ Տեխնիկական կենտրոն/ֆուտբոլի ակադեմիայում ընդունել է հունական «Արիսին». առաջին կեսից հետո հաշիվը հավասար է՝ 1-1: 11-րդ րոպեին տանտերեին առաջ մղեց կոդիվուարցի հարձակվող Ուիլֆրիդ Էզան: 9 րոպե անց հավասարակշռությունը վերականգնեց հոնդուրասցի կիսապաշտպան Լուիս Պալման:
Այս զույգի հաղթողի հաջորդ մրցակիցը կլինի Կիևի «Դինամոն»:
«Ալաշկերտը» հյուրընկալել է հունգարական «Դեբրեցենին»: Առաջին կեսից հետո Աբովյանի քաղաքային ստադիոնում զրոներ են լուսատախտակին: Հյուրերն ունեն խաղային ու տարածքային (45/55 տոկոս) որոշ առավելություն, իսկ երևանյան ակումբը ապավինում է հակագրոհների մարտավարությանը:
Վահե Գևորգյանի գլխավորած թիմը «Դեբրեցենի» արգելքը հաղթահարելու դեպքում ուժերը կչափի ավստրիական «Ռապիդի» հետ:
Դիմակայությունների պատասխան հանդիպումները կկայանան օգոստոսի 3-ին:
