16.05.2026 | 09:51
«Բավարիան» նոր պայմանագիր է կնքել Մանուել Նոյերի հետ․ ՏԵՍԱՆՅՈՒԹ
Դատավոր Կարեն Բիշարյանն աշխատանքից ազատման դիմում է ներկայացրել
Հասարակություն
27.07.2023 | 16:13
Վճռաբեկ դատարանի Հակակոռակոռուպցիոն պալատի կոռուպցիոն հանցագործությունների քննության դատական կազմի դատավոր Կարեն Բիշարյանն աշխատանքից ազատման դիմում է ներկայացրել: Factor.am-ի տեղեկություններով` Բիշարյանն արձակուրդ է մեկնել, որի ժամկետը լրացել է, սակայն նա աշխատանքի չի վերադարձել և ազատման դիմում է գրել: Իրավապահ համակարգում շրջանառվում են խոսակցություններ, որ Բիշարյանն ԱՄՆ է տեղափոխվել:
Բիշարյանը մինչև Վճռաբեկ դատարանի Հակակոռուպցիոն պալատի դատավոր նշանակվելը եղել է Վերաքնիչ քրեական դատարանի դատավոր, իսկ մինչ այդ` Մարտի 1-ի գործով դատախազ, պաշտպանել է Հայաստանի 2-րդ նախագահ Ռոբերտ Քոչարյանի մեղադրանքը:
Բարձրագույն դատական խորհրդի մամուլի խոսնակ Լիլիթ Շաբոյանը մեզ հետ զրույցում հաստատեց, որ Բիշարյանն աշխատանքից ազատման դիմում է ներկայացրել և հայտնեց, որ ԲԴԽ-ն դիմումը դեռևս չի քննարկել: Այսինքն` այս պահի դրությամբ` դեռևս ԲԴԽ-ն դատավորի լիազորությունները դադարեցնելու որոշում չի կայացրել: Կարեն Բիշարյանի հետ կապ հաստատել մեզ չհաջողվեց. նրա հեռախոսահամարն անհասանելի է, իսկ համացանցային հավելվածների միջոցով զանգերն ու հաղորդագրությունները դատավորն անպատասխան է թողել:
Արաքս Մամուլյան
