06.06.2026 | 12:25
Էլինա Ավանեսյանը կիսաեզրափակիչ է դուրս եկել Խորվաթիայում
Իջևանի մեր տնից էնքան բան ենք թափել, էսօր կարող էինք վաճառել ու եկամուտ ստանալ․ Փաշինյան․ ՏԵՍԱՆՅՈՒԹ
Տեսանյութեր
27.07.2023 | 12:36
Կառավարության այսօրվա նիստում ԵՄ-ից 32 մլն դրամաշնորհի հատկացման հարցի քննարկման ժամանակ վարչապետ Նիկոլ Փաշինյանը կրկին հիշեց Հայաստանով սփռված 06-ի, ԶԻԼ-ի, ՈՒԱԶ-ի «կուզովների» պատմությունը։
«Ուր գնում ես՝ 66, 134 ԶԻԼ… Կներեք, դա մեր բոլորի մասին է, հիմա մեր գյուղի տանն էլ, ենթադրում եմ, որ խորդանոցների դռները բացեմ, 06-անման ահագին բան կգտնեմ։ Մյուս կողմից՝ բազմաթիվ արժեք ներկայացնող նյութեր լցվում են աղբը, օրինակ, Հայաստանում այսօր բազմաթիվ մոդայիկ սրճարաններ կան, վերջերս մի դեպքի եմ ականատես եղել, ներդրողին հարցրել եմ՝ որտեղի՞ց եք գտել այս ամեն ինչը, ասաց՝ «մի մասը գյուղական աղբավայրերից ենք գտել»։
Հիմա, որ սրճարանում տեսա, հասկացա, որ վերջին 20 տարում Իջևանի մեր տնից ինչքան բան ենք թափել, որ այսօր կարող էինք վաճառել ու եկամուտ ստանալ, բայց 06-ի կուզովն անձեռնմխելի է»,- նշեց վարչապետը։
Մեր հավաքական ըմբնումներին բնորոշ մի հատկանիշի էլ անդրադարձավ Փաշինյանը՝ նկատելով, որ որոշ դպրոցներում քարտեզներ, գնդակներ և այլ առարկաներ կան, որոնք խնամքով պահվում և չեն օգտագործվում։ Վարչապետն ընդգծեց, որ անհրաժեշտ նյութը չօգտագործելը նյութի վատնում է։
Մանրամասները՝ տեսանյութում։
