26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
«Այս համաներման ակտը բացառիկ երևույթ է՝ պայմանավորված որոշակի հանգամանքներով»․ Արտակ Զեյնալյան․ ՏԵՍԱՆՅՈՒԹ
Քաղաքականություն
11.07.2018 | 11:42
Ազգային ժողովում այսօր մեկնարկել է արտահերթ նիստը, որի օրակարգում ընդգրկված հարցերից մեկը վերաբերում է «Մի շարք վարչական իրավախախտումների համար կիրառված տուգանքների համաներման մասին» ՀՀ կառավարության ներկայացրած օրենքի նախագծին։
Նախագծի հիմնական զեկուցող ՀՀ Արդարադատության նախարար Արտակ Զեյնալյանը նշեց, որ օրենքով սահմանվում են այն դեպքերը, որոնց դեպքում համաներումը չի գործի, իսկ փոխարենը մոտ 150 հազար քաղաքացու կուտակած տույժ- տուգանքները կներվեն, թեև, ընդունեց, որ առկա է իրավական վեճ՝ արդյոք համաներում կիրառելով չի խախտվում հավասարության սկզբունքը։
ԱԺ «Ելք» խմբակցության պատգամավոր Ալեն Սիմոնյանը նախարարից հետաքրքրվեց՝ ինչով է պայմանավորված սահմանված մինչև 2017 թվականի դեկտեմբերի 31-ը, և հնարավոր չէ արդյոք այն հնարավորինս երկարաձգել։
Ի պատասխան պատգամավորի հարցի՝ նախարարը նկատեց․ «Այս համաներման ակտը բացառիկ երևույթ է՝ պայմանավորված որոշակի հանգամանքներով»։
Նախարարը ժամկետների հետ կապված նշեց, որ Կառավարությունը այն սահմանել է՝ որոշակի հավասարակշռող գործոններից ելնելով։
Մանրամասները՝ տեսանյութում։
