15.01.2026 | 21:00
Ադրբեջանի հարձակումը կլինի ԱՄՆ-ի շահի դեմ․ ՀՀ է գալիս ամերիկյան ֆինանսը և տնտեսական շահը․ Արմինե Մարգարյան․ ՏԵՍԱՆՅՈՒԹ
Հրապարակե՞նք ԼՂ այն պաշտոնյաների ցանկը, թե Երևանում ով ինչ տուն ունի. Փաշինյան․ ՏԵՍԱՆՅՈՒԹ
Քաղաքականություն
25.07.2023 | 18:37
«Ասում են՝ տներ եք ձեռք բերել, բայց ով տնից խոսա, ձեր ԶԼՄ-ն հովանավորողը թող տանձից ու խնձորից խոսա․․․ Դուք ձեր գույքի մասին մտածեք, որ 80 մլն դոլարի գույք ապօրինի ծագման գույքի բռնագանձման պրոցեսի մեջ է, ուզում եք հավասարության նշա՞ն դնեք։ Հրապարակե՞նք Ղարաբաղի պաշտոնյաների ցանկը, թե Երեւանում ով ինչքան տուն ունի։ Էս ինչ պրոցես եք հարուցում։ Էդ ի՞նչ թել եք թելում»,- այսօր հրավիրված ասուլիսի ժամանակ այս մասին նշեց վարչապետ Նիկոլ Փաշինյանը՝ անդրադառնալով արցախցի մի կնոջ արած դիտարկումներին, որոնց վերաբերյալ ձայնագրությունը NEWS.am-ի թղթակիցն էր հնչեցրել։
Նշենք, որ արցախցի կինը վրդովմունք է ր արտահայտել, որ Փաշինյանի տիկինը՝ Աննա Հակոբյանը ֆեսբուքյան էջում լուսանկարներ էր հրապարակել՝ ներկայացնելով իրենց այգում աճեցրած բանջարեղենից պատրաստված ընթրիքը, մինչդեռ արցախցիները հացի խնդիր ունեն։
«Ղարաբաղի հերոսին, ով մեզ մեղադրում էր դավաճանության մեջ, հիմա պարզվում է՝ 2016 թվից պահած պապիրոս է ծախում Ղարաբաղում, կամ Ղարաբաղի բյուջեից էլ է մեր տված փողերը վերցրել, որ տրանսֆորմատոր սարքի, հետո փողերը գրպանի․․․
Ինչի՞ Ղարաբաղի մեր հարգելի քաղաքացիները չեն ասում՝ պահանջում ենք հրապարակել, թե Ղարաբաղից ով ինչ սեփականություն ունի Երեւանում, հաջորդ անգամ փնտրեք, տեսեք այդպիսի մարդ կա՞, որ հարցնի»,-ասաց վարչապետը։
Մանրամասները՝ տեսանյութում։
