08.09.2026 | 22:34
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Շատ հնարավոր է, որ չներեն.Փաշինյանը իր՝ «գերիները մեզ կներեն» արտահայտության մասին․ ՏԵՍԱՆՅՈՒԹ
Քաղաքականություն
25.07.2023 | 16:58
Պատերազմից ավելի քան երկու տարի անց Ադրբեջանում պահվող հայ գերիների հարցը չի լուծվում, նրանք Ձեզ կներե՞ն, թե ոչ։ Այսօր՝ հուլիսի 25-ի ասուլիսի ընթացքում անդրադառնալով այս հարցին, Հայաստանի վարչապետ Նիկոլ Փաշինյանը պատասխանեց․ «Չի բացառվում, որ չներեն»:
Փաշինյանի խոսքով՝ Ադրբեջանը մինչ օրս չի վերադարձնում հայ գերիներին, քանի որ փորձ է անում նրանց օգտագործել որպես քաղաքական սակարկության, Հայաստանի վրա ճնշման գործիք:
Վարչապետը պարզաբանեց, թե ինչու է հայկական կողմը 44-օրյա պատերազմից հետո Ադրբեջանի վերահսկողության տակ անցած տարածքների ականապատման քարտեզները տրամադրել ադրբեջանական կողմին։
«Միջազգային հանրությունը մեզ կոչ էր անում միակողմանի քայլեր ձեռնարկել վստահությունը մեծացնելու ուղղությամբ: Եվ մենք այդ քայլն արել ենք՝ որպես մարդասիրական քայլ՝ ի ցույց դնելով մեր անկեղծությունը խաղաղության ջանքերում»,-նշեց Փաշինյանը:
Մանրամասները՝ տեսանյութում։
