Էդ որ ասում եք քաղբանտարկյալ, ի՞նչ նկատի ունեք․ Փաշինյանն անդրադարձավ Աշոտյանի և մյուսների կալանքին․ ՏԵՍԱՆՅՈՒԹ

Վանաձորի քաղաքապետ Մամիկոն Ասլանյանը, Պաշտպանության նախկին նախարար Դավիթ Տոնոյանը, ՊԲ նախկին հրամանատար Միքայել Արզումանյանը, գեներալ Գրիգորի Խաչատուրովը եւ ՀՀԿ փոխնախագահ Արմեն Աշոտյանը քաղբանտարկյալներ չեն․ այսօր՝ հուլիսի 25-ին հրավիրված մամուլի ասուլիսի ժամանակ այս տեսակետը ՀՀ վարչապետ Նիկոլ Փաշինյանը

«Ես ի՞նչ կապ ունեմ այդ ամեն ինչի հետ։ Ասում են՝ ընտրություններրից հետո Մամիկոն Ասլանյանը կալանավորվեց, ընտրություններից առաջ կալանավորվեր, ասելու էին՝ առաջ կալանավորվեց։ Հարցն այն է՝ այդ մարդը կատարե՞ լ է արարք, որը Քրեական օրենսգրքով պետք է հասցեագրվի․․․ Այո, նրանցից ոչ մեկի մեղքն ապացուցված չէ, քանի դեռ չկա դատավճիռ։ Ես բան չունեմ մեկնաբանելու․․․

ՀՀ Քրեական օրենսգիրք կա և դատական համակարգ կա, որը, ինչպես նշվեց այսօր, ամենակատարյալ համակարգը չէ, բայց Ձեր նշած գործերի առումով ես մեկնաբանություն չունեմ»,- նշեց վարչապետը։

Փաշինյանը հիշեցրեց, որ նոյեմբերի 9-ից հետո շատ քաղքական շրջանակներ իրեն մեղադրում էին Շուշին հանձնելու հարցում․ «Ես էլ ասում էի, որ Շուշիի հետ կապված դրվագը պետք է լիարժեք քննվի․․․ Երբ եղավ կալանավորված անձ, սկսվեցին կալանավորված անձին պաշտպանող հայտարարություններ։ Իմ ռեակցիան հետևյալն էր՝ հիմա Շուշիի անկման դրվագը ուզո՞ւմ եք քննվի, թե՞ ոչ, թե՞ ուզում եք քննվի միայն այն դեպքում, եթե պարզվի՝ ես եմ մեղադրյալը, իսկ եթե պարզվի ես չեմ մեղադրյալը, արդեն էական չի քննվի։ Ինձ էին, չէ՞, մարդիկ մեղադրում հողերը հանձնելու մեջ, ես էլ ասում եմ՝ պատերազմական բոլոր դրվագները պետք է քննվեն։ Եթե եղել է կոնկրետ դեպք, Արեգասարի դրվագը, երբ հրամանատարն ասել է՝ պետք է հանձնեք ռազմավարական նշանակություն ունեցող բարձունքը, դա ուզո՞ւմ ենք քննվի, թե՞ ոչ, թե՞ եթե հրամանը ես չեմ տվել, ուրեմն չարժի, որ քննվի»։

«Հիմա եթե մարդը պետական գումարներով, ենթադրենք՝ ԵՊՀ գումարները ծախսելով՝ իր համար գույք է ձեռք բերել: Ուզո՞ւմ եք սա քննվի՞, թե՝ ոչ։
Կամ եթե քաղաքում սեփականաշնորհվել են հանրությանը պատկանող տարածքներ, որոնք օրենքով չի կարելի սեփականաշնորհվել, այսինքն՝ հանցանք է կատարվել, ուզում ենք դա քննվի՞, թե՞ չենք ուզում։ Կամ եթե, ըստ մեղադրանքի, բանակին մատակարարվել է, եթե ճիշտ եմ հիշում, ժամկետանց հրթիռներ, ուզում ենք այդ գործը քննվի՞, թե՞ չենք ուզում։ Ես չեմ ասում այս մարդիկ մեղավոր են, նկատի ունեմ առաջադրված մեղադրանքներըի»,- ասաց վարչապետը։

Այսինքն՝ էդ որ ասում եք քաղբանտարկյալ, ի՞նչ նկատի ունեք։ Փաշինյանի այս հարցադրման ի պատասխան լրագրողը հիշեցրեց, որ ՄԻԵԴ-ը վաղուց բանաձևել է, թե ինչ է նշանակում քաղբանտարկյալ։ Փաշինյանն արձագանքեց․ Բացառվում է, որ Ձեր նշած մարդիկ լինեն քաղբանտարկյալ․ բա-ցառ-վում է»։

Մանրամասները՝ տեսանյութում։