24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Քաղաքացին չգիտի՝ 29 800-ն ինչ թիվ է, Կապանը դրա մեջ մտնո՞ւմ է, թե՝ ոչ, Տավուշը մտնո՞ւմ է, թե՝ ոչ․ Փաշինյան․ ՏԵՍԱՆՅՈՒԹ
Քաղաքականություն
25.07.2023 | 16:11
«Մենք չենք պատրաստվում ու չենք կարող ԼՂ ժողովրդի ճակատագիրը որոշել․ ԼՂ ճակատագիրը պետք է որոշի ինքը՝ ԼՂ ժողովուրդը»,- այս մասին այսօր՝ հուլիսի 25-ին, մամուլի ասուլիսի ժամանակ ևս մեկ անգամ հայտարարեց Նիկոլ Փաշինյանը՝ անդրադառնալով հարցին, թե ինչ իրավունք է առանց արցախցիների կարծիքը հաշվի առնելու Արցախը ճանաչում Ադրբեջանի մաս և ինչու այդ թեմայի վերաբերյալ հանրաքվե չի անցկացվում։
«Ասում եք՝ ինչու չեք քննարկում ժողովրդի հետ, բայց սա ուղիղ եթերում հեռարձակվում է, սա էլ է ժողովրդի հետ քննարկում։ Բա որ քննիչ հանձնաժողովում վեց ժամ պատասխանում եմ հարցերի, փաստերի մասին եմ խոսում, դա ի՞նչ է, դա էլ է ժողովրդի հետ քննարկում։
Մենք չենք կարծում, որ ԼՂ ժողովրդի ճակատագիրը կարող ենք որոշել, դա պետք է իրենք որոշեն։ Ես մանդատ ունեմ որում կայացնելու Հայաստանի Հանրապետության վերաբերյալ։ Ես սա կրկրնում եմ 2018 թվականից սկսված․․․
Հարցերի հայելային էֆեկտը պետք է հաշվի առնենք։ Հանրաքվե ինչի՞ մասին․ համաձա՞յն են Հայաստանի բնակիչները, որ Ադրբեջանը ճանաչի Հայաստանի 29 հազար 800 քառակուսի կմ տարածքային ամբողջականությունը։ Սրա մասին է խոսքը․․․ »,- ասաց Փաշինյանը։
Նիկոլ Փաշինյանի կարծիքով՝ նախորդ տարի, երբ ԱԺ-ում ինքը հայտարարեց, որ պատրաստ է ճանաչել Ադրբեջանի տարածքային ամբողջականությունը, մարդիկ փողոց դուրս եկան մանիպուլյացիայի արդյունքում, որովհետև 29 հազար 800 քառակուսի կմ-ն անծանոթ թիվ էր ՀՀ քաղաքացիներին։
«Չգիտեին՝ դա ինչ թիվ է։ Եվ սա ամենամեծ խնդիրն է․ ստեղծել ենք պետություն՝ առանց դրա չափի մասին պատկերացում ունենալու։ Մեզ թվացել է, թե երբ մենք լղոզում ենք Հայաստանի չափերը, հնարավորություններ ենք բացում Հայաստանի առաջ, բայց իրականում մեր պետությունը ենք լզողել։
Քաղաքացին չգիտի՝ 29 հազար 800 քառակուսի կմ-ն ինչ թիվ է, չգիտի՝ դրա մեջ մեջ մտնո՞ւմ է Կապանը, Տավուշը, Արծվաշենը և այլն»,- նշեց վարչապետը՝ հավելելով՝ ոմանք ուզելով, ոմանք էլ չուզելով՝ տպավորություն են ստեղծում, թե առավոտից երեկո մտածում եմ՝ ո՞նց անեմ, որ Ադրբեջանի տարածքային ամբողջականությունը ճանաչեմ, սա սխալ ընկալում է, որովհետև ես չեմ մտածում Ադրբեջանի տարածքային ամբողջականության մասին, ես մտածում եմ Հայաստանի տարածքային ամբողջականության մասին։
Հարցին, թե եթե Ադրբեջանը չճանաչի Հայաստանի տարածքային ամբողջականությունը, ուրեմն Հայաստանն էլ Ադրբեջանինը չի ճանաչի, Փաշինյանը պատասխանեց․ «Ինչո՞ւ ենք մենք նման սցենարի մասին մտածում, մենք միայն առաջ պետք է գնանք և ոչ թե հետ»։
Մանրամասները՝ տեսանյութում։
