07.10.2026 | 23:48
Արթուր Դանիելյանը կալանավորվեց
Մարդիկ կան, որ ասում են՝ 29 800 կմ²-անոց Հայաստանը մեզ հետաքրքիր չէ․սա շատ վտանգավոր խոսույթ է. Փաշինյան
Քաղաքականություն
25.07.2023 | 15:14
Հայաստանի Հանրապետության Կառավարությանն արգելելով ճանաչել Ադրբեջանի տարածքային ամբողջականությունը, դա նշանակում է, որ նույն որոշմամբ նաև Ադրբեջանին է արգելվում ճանաչել ՀՀ տարածքային ամբողջականությունը։ Այս մասին այսօր՝ հուլիսի 25-ին, մամուլի ասուլիսի ժամանակ հայտարարեց վարչապետ Նիկոլ Փաշինյանը։
«Մեր շատ գործընկերներ ասում են, որ ՀՀ Կառավարությանը պետք է արգելենք ճանաչել Ադրբեջանի Ադրբեջանի 86 հազար 600 քառակուսի կիլոմետր տարածքային ամբողջականությանը, բայց նույն որոշմամբ կարգելվի Ադրբեջանին ճանաչել Հայաստանի 29 հազար 800 քառակուսի կիլոմետր տարածքային ամբողջականությունը։ Եվ սրանից բխող հետևանքներն կլինեն։
Հայաստանում կան մարդիկ, որ ասում են՝ մեզ հետաքրքիր չէ 29 հազար 800 քառակուսի կիլոմետրանոց Հայաստանը, գուցե ուղղակիորեն չեն ասում, բայց իրենց քաղաքական խոսույթը դրա մասին է, և սա շատ վատնգավոր խոսույթ է։
Անձամբ ինձ շատ հետաքրքիր է 29 հազար 800 քառակուսի կիլոմետրանոց Հայաստանի տարածքային ամբողջականության ճանաչումը․․․ Ես 29 հազար 800 քառակուսի կիլոմետրանոց Հայաստանի վարչապետն եմ, և այդպիսին եղել եմ միշտ։ Սա չարձանագրելը նշանակում է Հայաստանը լղոցել անորոշության մեջ, ինչը մենք արել ենք, և մեզ թվացել է, թե կյանքը այդպես պարզ է․․․
Մենք շատ բաներ չենք ֆիքսել․ տՏրբեր տեսակի քարտեզներ հրապարակելով՝ մեզ թվացել է՝ շատ պատմական բան ենք անում, իսկ իրականում մենք Հայաստանը լղոզել ենք անէության մեջ, ու չենք հասկացել կամ եթե նույնիսկ հասկացել ենք, դա բավարար չէ։ Հասկանալը երբեմն բավարար չէ, որովհետև կարող է մի այնպիսի իրավիճակի մեջ լինես, որի պրոբլեմը հասկանում ես, բայց լուծումը չունես, այն տրամաբանության մեջ ես, որ գտնվում ես շատ արագ ընթացող գնացքի մեջ»,- նշեց Փաշինյանը։
Մանրամասները՝ տեսանյութում։
