15.12.2025 | 17:26
ԱՄՆ-ն ցանկանում է` Կիևը զիջի արևելյան Դոնբասը. բանակցությունների երկրորդ փուլն ավարտվել է
Իրականությունը և իրողությունները մեզ դնում են կոնկրետ իրավիճակի և ընտրության առջև․ Փաշինյան․ ՏԵՍԱՆՅՈՒԹ
Քաղաքականություն
25.07.2023 | 14:58
«Ե՞րբ, ո՞ր պահին, ո՞ր իրադարձությունից հետո հասկացաք, որ Արցախը Ադրբեջան է, և ինչո՞ւ էիք 2019 թ․ օգոստոսի 5-ին հայտարարում, որ Արցախը Հայաստան է և վերջ, ինչի՞ հիման վրա, մեր տղաները Ադրբեջանո՞ւմ էին ծառայում, թե՞ հայկական Արցախում»,- այսօր՝ հուլիսի 25-ին հրավիրված մամուլի ասուլիսի ժամանակ հնչեց 44-օրյա պատերազմում զոհված Դավիթ Զաքարյանի հոր՝ Աշոտ Զաքարյանի հարցը՝ ուղղված ՀՀ վարչապետ Նիկոլ Փաշինյանին։
Ի պատասխան՝ վարչապետը նշեց, որ տղաների ծառայության հարցը քննարկվել է նաև աշխատանքային հանդիպումների ժամանակ, և այդ որոշումը դժբախտաբար թե բարեբախտաբար ինքը չի կայացրել։
«Ինչ վերաբերում է իմ տվյալ հայտարարությանը, ապա իմ ասածի տրամաբանությունը հետևյալն է․ մեզ երբեմն թվում է, որ երբ Հայաստանը ինչ-որ բան չի ստցել, դա այն պատճառով է, որ չի հայտարարում, չի ցանկանում դա ունենալ։
Ինչ վերաբերում է Ադրբեջանի տարածքային ամբողջականությունը ճանաչելու վերաբերյալ խնդրին,նախ՝ Հայաստանի Հանրապետությունը միշտ էլ ճանաչել է Ադրբեջանի տարածքային ամբողջականությունը, բայց դա միշտ չէ, որ հայտարարվել և արձանագրվել է։
Ես ցավով արձանագրել եմ և արձանագրում եմ, որ ըստ էության՝ աշխարհում չկա և չի էլ եղել մի երկիր, որ Լեռնային Ղարաբաղը չի ճանաչել Ադրբեջանի մաս։ Այլ բան է՝ այս իրողության հետ առերեսվել ենք թե ոչ, և որն է եղել մեր դիրքորոշումը․․․ Մենք ասել ենք՝ կապ չունի, որ ամբողջ աշխարհն այլ կերպ է ընակլում, մենք այլ կերպ պետք է վարվենք․․․ Ինչ-որ փուլում գուցե ես էլ եմ այդ տրմաբանության մեջ եղել, բայց ի վերջո իրականությունը և իրողությունները մեզ դնում են կոնկրետ իրավիճակի և ընտրության առջև»։
Փաշինյանն արձանագրեց, որ 2022 թ․ հոկտեմբերի 6-ին Պրահայում քառակողմ հանդիպման ժամանակ ձեռք է բերվել պայմանավորվածություն, որ Հայաստանը և Ադրբեջանը ճանաչում են միմյանց տարածքային ամբողջականությունը՝ Ալմաթիի հռչակագրի հիման վրա։ Եվ 2023 թ․ մայսի 14-ին Բրյուսելում Հայաստանը և Ադրբեջանը Եվրամիության խորհրդի նախագահի ներկայությամբ պայմանավորվել են, որ ճանաչում են միմյանց տարածքային ամբողջականությունը 86․6 և 29․8 հազար քառ․ կմ տարածքներով։
Մանրամասները՝ տեսանյութում։
