08.04.2026 | 17:07
Թեոդոսիայում, նավթաբազայի հարակից փողոցներում, երթևեկությունը փակ է. այն հարձակման է ենթարկվել ուկրաինական ԱԹՍ-ների կողմից
Ադանա քաղաքում 5,5 և 4,4 մագնիտուդով երկրաշարժեր են տեղի ունեցել
Քաղաքականություն
25.07.2023 | 13:03
Թուրքիայի հարավային Ադանա նահանգում երկրաշարժ է տեղի ունեցել։ TRT Haber-ի փոխանցմամբ՝ 5,5 մագնիտուդով երկրաշարժը գրանցվել է Ադանա նահանգի Կոզան շրջանում։ Կառավարությանն առընթեր արտակարգ իրավիճակների կանխարգելման և հետևանքների վերացման գրասենյակի (AFAD) փոխանցմամբ՝ ցնցումները գրանցվել են տեղական ժամանակով 08։44-ին, օջախի խորությունը՝ 11,27 կմ։
Երկրաշարժը խուճապ է առաջացրել մարդկանց շրջանում։ Քաղաքացիներն իրենց տներից ու աշխատավայրերից նետվել են փողոցներ։
Ըստ Ադանայի քաղաքային իշխանությունների՝ զոհերի և փլուզումների մասին տեղեկություններ չկան, միայն Կոզանում մի քանի գոմ է վնասվել։
Երկրաշարժից հետո տեղի է ունեցել ևս 20 հետցնցում, որոնցից ամենաուժեղը՝ 4,4 մագնիտուդով։
#Adana'daki 5.5 büyüklüğündeki #deprem anları kameradahttps://t.co/h5iY2P1AKJ pic.twitter.com/S2nQxHeTrX
— Yeni Journal (@yenijournal) July 25, 2023
Էմմա Չոբանյան
