13.04.2026 | 13:47
ՌԴ-ում վերսկսել են «Ջերմուկ» հանքային ջրի հետ կապված քրեական գործը
Վահագն Խաչատուրյանը ՄԱԿ-ի գլխավոր քարտուղարի հետ քննարկել է Լաչինի միջանցքի շուրջ զարգացումները
Քաղաքականություն
24.07.2023 | 18:32
Աշխատանքային այցով Իտալիայում գտնվող ՀՀ նախագահ Վահագն Խաչատուրյանը հանդիպել է ՄԱԿ-ի գլխավոր քարտուղար Անտոնիո Գունտերեշի հետ։
ՄԱԿ-ի մամուլի ծառայության հաղորդմամբ՝ կազմակերպության գլխավոր քարտուղարը և ՀՀ նախագահը քննարկել են Հարավային Կովկասի զարգացումները և Լաչինի միջանցքի շուրջ ստեղծված իրավիճակը։
«Գլխավոր քարտուղարը վերահաստատել է իր աջակցությունը Հարավային Կովկասում երկարաժամկետ խաղաղ լուծումներ փնտրելու ուղղությամբ շարունակվող բազմակողմ ջանքերին և բարձր մակարդակի երկխոսությանը»,- ասվում է հաղորդագրության մեջ։
Վահագն Խաչատուրյանի և Անտոնիո Գուտերեշի հանդիպման մասին ՀՀ նախագահի աշխատակազմի մամուլի ծառայության հաղորդագրությունում էլ, մասնավորապես, ասվում է․ «Հանդիպման ընթացքում նախագահ Խաչատուրյանը Գլխավոր քարտուղարին է ներկայացրել Ադրբեջանի կողմից Լաչինի մարդասիրական միջանցքի շրջափակման հետևանքով Լեռնային Ղարաբաղում ստեղծված հումանիտար ճգնաժամի սպառնալիքները։ Անդրադարձ է կատարվել հարավկովկասյան տարածաշրջանում առկա իրողություններին և զարգացումներին։ Զրույցի ընթացքում մտքեր են փոխանակվել ՄԱԿ-ի և Հայաստանի Հանրապետության միջև շարունակական համագործակցության օրակարգային հարցերի վերաբերյալ»։
Էմմա Չոբանյան
