15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Իրանն աջակցում է Հայաստանի և Ադրբեջանի միջև բանակցությունների նոր փուլը
Քաղաքականություն
24.07.2023 | 14:51
Թեհրանն աջակցում է Հայաստանի և Ադրբեջանի միջև խաղաղության շուրջ բանակցությունների նոր փուլի անցկացմանը։ IRNA-ի փոխանցմամբ՝ այս մասին հայտարարել է Իրանի ԱԳՆ պաշտոնական ներկայացուցիչ Նասեր Քանանին։
Իրանցի դիվանագետը նշել է, որ Հարավային Կովկասը մեծ նշանակություն ունի Թեհրանի համար։
«Իրանն աջակցում է հարևանների միջև տարաձայնությունները հարթելու խաղաղության գործընթացը»,- ասել է Քանանին։
Հիշեցնենք, որ ՀՀ ԱԳՆ ղեկավար Արարատ Միրզոյանը այցով Թեհրանում է գտնվում։ Նա բանակցություններ է անցկացնում Հոսեյն Ամիր Աբդոլահիանի հետ։
Իրանական կողմի հայտարարության համաձայն՝ Իրանի և Հայաստանի արտգործնախարարները քննարկելու են համագործակցությունը էներգետիկայի, տնտեսության, հյուպատոսական ծառայությունների ոլորտներում։
