16.05.2026 | 12:12
NYMEX. Թանկարժեք մետաղների գները նվազել են
Ծառայողական քննություն իրականացրե՛ք, պատճառները հասկացե՛ք․ Ավինյանը՝ աղբահանության խնդրի մասին․ ՏԵՍԱՆՅՈՒԹ
24.07.2023 | 11:04
Աղբահանության խնդիրը, որը սրվել էր Երևանում, այս պահի դրությամբ մեղմվել է: Այս մասին Երևանի քաղաքապետարանի գործակարգավորման ժամանակ նշեց փոխքաղաքապետ Տիգրան Ավինյանը՝ հավելելով, որ խնդիրը մեղմվել է քաղաքային կառույցների, վարչական շրջանների ու մասնավոր ընկերությունների համատեղ աշխատանքի արդյունքում։
Ավինյանն ընդգծեց, որ պետք է կենտրոնանալ խնդրի հիմնավոր լուծման վրա։ Նա հավելեց, որ ակնկալում է՝ առաջիկայում իրեն կզեկուցեն, թե այդ ուղղությամբ, ինչ քայլեր են իրականացվում։
Տիգրան Ավինյանը հանձնարարեց ծառայողական քննություն իրականացնել՝ հասկանալու աղբահանության խնդրի պատճառները, որպեսզի հետագայում նման խնդիրներ չառաջանան։
«Ամռան այս օրերին, երբ աղբի ծավալն ավելանում է, տեխնիկան էլ խնդրահարույց է, խնդիրներ առաջանում են, բայց պետք է կարողանանք այնպիսի ցիկլ ունենալ, որ այդ հարցը բաց չլինի, և ծառայողական քննության արդյունքների մասին էլ հետագայում բաց կզեկուցեք»,- նշեց փոխքաղաքապետը։
Մանրամասները՝ տեսանյութում։
