07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՌԴ ՊՆ շենքի մոտ ԱԹՍ է ընկել
Քաղաքականություն
24.07.2023 | 11:22
Մոսկվայի քաղաքապետ Սերգեյ Սոբյանինը հայտնել է, որ երկուշաբթի առավոտյան քաղաքը հարձակման է ենթարկվել անօդաչու թռչող սարքերի կողմից։ ՌԴ պաշտպանության նախարարությունը հաղորդմամբ էլ «Ուկրաինան փորձել է գրոհել Ռուսաստանի մայրաքաղաքը երկու անօդաչու թռչող սարքերով»։ BBC-ի ռուսական ծառայությունը, հղում անելով տեղական լրատվական գործակալություններին, հայտնում է, որ դրանցից մեկն ընկել է ՌԴ պաշտպանության նախարարության շենքի մոտ։
«Այսօր՝ առավոտյան ժամը 4-ի սահմաններում, անօդաչու սարքերի հարվածներ են գրանցվել երկու ոչ բնակելի շենքերի վրա։ Լուրջ ավերածություններ կամ զոհեր չկան»,- գրել է Սոբյանինը։
Telegram ալիքները հրապարակում են նաև տեսանյութեր, որտեղ երևում է, որ ծուխ է բարձրանում Մոսկվայի մի քանի բարձրահարկ շենքերից։
Ռուսաստանի պաշտպանության նախարարությունը հայտարարել է, որ էլեկտրոնային միջոցներով ճնշվել և կործանվել են ուկրաինական երկու անօդաչու թռչող սարքեր։
Ուկրաինացի զինվորականները դեռևս չեն մեկնաբանել հարձակման մասին լուրերը։
