13.04.2026 | 12:10
Ջերմաստիճանը 8 աստիճանով կնվազի // Շիրակում վթարից տուժածների վիճակը դեռ ծանր ու ծայրահեղ ծանր է․ ԼՈՒՐԵՐ
Նատալյա Ռոտենբերգն այլևս Երևանի քաղաքապետի թեկնածու չէ
Քաղաքականություն
23.07.2023 | 17:28
Նատալյա Արզաքանցյանը (Ռոտենբերգ) չի գլխավորի «Ուժը Հայրենյաց» կուսակցության ցուցակն ավագանու առաջիկա ընտրություններում։ Այս մասին հաղորդագրություն է տարածել կուսակցության մամուլի ծառայությունը։ Կուսակցության ղեկավար մարմինը որոշել է, որ ավագանու ընտրություններում ցուցակը կգլխավորի Նելլի Հարությունյանը։ Իսկ Նատալյա Արզաքանցյանը «Ուժը Հայրենյաց» կուսակցության ավագանու ցուցակում կլինի երկրորդը։
«Նելլի Հարությունյանն ունի աշխատանքային մեծ փորձ, լավ ընտանիքի մայր է, հայրենասեր է, հուսով եմ իր աշխատանքային փորձը նա կներդնի գեղեցիկ Երևանը ավելի գեղեցիկ կառուցելու համար»,- ասել է կուսակցության նախագահ Տիգրան Արզաքանցյանը։
Նելլի Հարությունյանը մոտ 30 տարի աշխատել է ՀՀ դատախազությունում, որպես միջազգային իրավական բաժնի պետ։ Իրավաբանական գիտությունների թեկնածու է, Արդարադատության գեներալ-մայոր:
