16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Պաշտոնական Բաքվի նյարդային արձագանքը Նիկոլ Փաշինյանին
Քաղաքականություն
20.07.2023 | 20:13
Ադրբեջանի ԱԳՆ-ն անդրադառնալով ՀՀ վարչապետ Նիկոլ Փաշինյանի՝ Կառավարության նիստում այսօրվա ելույթին, հայտարարել է, թե ՀՀ-ն ևս մեկ անգամ ընդգծել է Լաչինի միջանցքի վերաբերյալ վերջին 8 ամիսների ընթացքում պնդումները՝ անդրադառնալով Բրյուսելում ղեկավարների մակարդակով հանդիպմանը, որը, իբր, ցույց է տալիս Հայաստանի մտադրությունը՝ «խոչընդոտելու խաղաղության պայմանագրի բանակցություններին»։
Ադրբեջանը շարունակում է կեղծ պնդումները, թե, իբր, «միջազգային իրավունքի նորմերի և սկզբունքների, ինչպես նաև ադրբեջանական օրենսդրության շրջանակում» է տեղադրել Լաչինի միջանցքի ապօրինի անցակետը, և որ միջանցքի փակ լինելու մասին պնդումները սուտ են»։
«Այն փաստը, որ հայկական կողմն անտեսում է Եվրամիության խորհրդի նախագահ Շառլ Միշելի կարծիքը, թե Ադրբեջանի կողմից առաջարկվող Աղդամի ճանապարհը, որը կարևոր է բեռնափոխադրումների համար, վկայում է, որ տարածաշրջանում լարված հումանիտար իրավիճակի մասին պնդումն անհիմն է, և որ Հայաստանը մտադիր է շարունակել անօրինական գործունեությունն Ադրբեջանի տարածքում»,- ասվում Է Բաքվի ԱԳՆ հայտարարության մեջ։
Ուշագրավ է, որ եթե, ըստ Բաքվի, Արցախում չկա հումանիտար ճգնաժամ, ապա ինչո՞ւ է փոխադրումների այլ ճանապարհ առաջարկում։
Ադրբեջանը նաև հերքում է Արցախում էթնիկ զտումներ իրականացնելու վերաբերյալ Փաշինյանի հայտարարությունը։ Արցախի և Հայաստանի հասցեին ամենօրյա ռեժիմով սպառնալիքներ հնչեցնող Բաքուն Երևանին մեղադրել է, իբր, «խաղաղության գործընթացը տապալելու մեջ»։
Էմմա Չոբանյան
