08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Ռուսական բանակում դասալիքների թիվը կրկնապատկվել է. շաբաթական 100 դատավճիռ է կայացվում․ Mediazona
Քաղաքականություն
19.07.2023 | 19:08
2023 թվականի առաջին կիսամյակում Ռուսաստանի ռազմական դատարանները ստացել են 2076 գործ՝ զորամասն առանց թույլտվության զինվորների կողմից լքելու փաստով։ Սա երկու անգամ գերազանցում է նախորդ տարվա ցուցանիշը, գրում է Mediazona-ն՝ վկայակոչելով շրջանային զինվորական դատարանների տվյալները։
«Այն պահից, երբ դատարանները սկսեցին հրապարակել գարնանային դատավճիռները, ակնհայտ դարձավ, որ ծառայությունից փախչելու համար դատապարտվածների հիմնական կատեգորիան դարձել են մոբիլիզացվածները»,- նշվում է հրապարակման մեջ։
Պարբերականը հայտնում է, որ այժմ շաբաթական 100 դատավճիռ է կայացվում։
2022 թվականի հոկտեմբերից Ռուսաստանում զորամասը չարտոնված լքելու ցանկացած դեպք պատժվում է որպես մոբիլիզացիայի ընթացքում կատարված հանցագործություն։ Ռուսների զանգվածային զորակոչին զուգահեռ՝ Քրեական օրենսգրքի այս և այլ «ռազմական» հոդվածներն ավելի ամրապնդվել են:
Լրատվամիջոցը նշում է, որ դատարանները չեն հրապարակում ամբողջական դատավճիռները։ 2022 թվականի աշնան համար դատավճռի ամբողջական տեքստը հասանելի է միայն կայացված որոշումների կեսի պարագայում, իսկ 2023-ի մարտի համար՝ միայն մեկ երրորդի։
