24.02.2026 | 12:34
Հայ բռնցքամարտիկները հաղթանակով են մեկնարկել հեղինակավոր մրցաշարում
Նիդերլանդները չեղարկում է Թուրքիա պաշտպանական արտադրանքի արտահանման սահմանափակումները
Քաղաքականություն
19.07.2023 | 19:43
Նիդերլանդները չեղարկում է Թուրքիա պաշտպանական արդյունաբերության արտադրանքի արտահանման սահմանափակումները։ Այս մասին հայտարարել է Նիդերլանդների ԱԳ նախարարությունը, գրում է Gercek news-ը։
Այս քայլը տեղի է ունենում այն բանից հետո, երբ Կանադան որոշում է կայացրել ապասառեցնել Թուրքիայի հետ արտահանման վերահսկողության շուրջ բանակցությունները։ Այս գործընթացները հետևում են Թուրքիայի կողմից ՆԱՏՕ-ին Շվեդիայի անդամակցության հայտին աջակցությանը։
Արտաքին գործերի, Պաշտպանության ու Տնտեսական հարցերի և կլիմայական քաղաքականության նախարարությունների համատեղ հայտարարությամբ Նիդերլանդների կառավարությունը ներկայացրել է պաշտպանական արդյունաբերության արտադրանքի արտահանման սահմանափակումները վերացնելու մասին իր որոշումը:
Հայտարարության մեջ նշվում են Նիդերլանդների կառավարության ջանքերը՝ Եվրոպայում պաշտպանական համագործակցության սերտացման և պաշտպանական նախագծերում Նիդերլանդների մասնակցության խթանման ուղղությամբ: Այն ճանաչում է Եվրոպայում արդար մրցակցության կարևորությունը և ընդունում, որ եվրոպական պաշտպանական համագործակցության ամրապնդումը պահանջում է հավասար պայմաններ: Ավելին, հայտարարությունն ընդգծում է Նիդերլանդների պաշտպանական հատվածի արտահանման զգալի դերը, որի եկամուտների կեսից ավելին ստացվում է միջազգային առևտրից:
Միաժամանակ, հայտարարությունը հաստատում է ոչ միայն Թուրքիա, այլև ԱՄԷ և Սաուդյան Արաբիա պաշտպանական արդյունաբերության արտադրանքի արտահանման սահմանափակումների անհապաղ վերացումը։
Էմմա Չոբանյան
