25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Ուկրաինայի ԶՈՒ-ն շուտով պատրաստ կլինի կասետային զինամթերք կիրառել․ ուկրաինացի հրամանատար
Քաղաքականություն
18.07.2023 | 17:32
Ուկրաինացի զինվորականները շուտով պատրաստ կլինեն կասետային զինամթերք օգտագործել ՌԴ-ի դեմ պատերազմում։ Այս մասին BBC-ին տված հարցազրույցում ասել է Ուկրաինայի Զինված ուժերի ցամաքային զորքերի հրամանատար, գեներալ-գնդապետ Ալեքսանդր Սիրսկին։
Սիրսկին հաստատել է, որ ամերիկյան կասետային զինամթերքն արդեն հասել է Ուկրաինա։ Նա նշել է, որ արկերը «մի քանի օրվա ընթացքում պատրաստ կլինեն օգտագործման»։
Ընդ որում, բրիտանական պարբերականը չի հստակեցրել, թե կոնկրետ երբ է զրուցել Սիրսկու հետ։
Միաժամանակ, լրագրողները նշել են, որ Բախմուտի շրջակայքի դիրքերում տեսել են ամերիկյան M777 հաուբիցներ, որոնք կասետային արկեր կարող ենե արձակել։
Ուկրաինայի Զինված ուժերի 57-րդ բրիգադի հրամանատար, գնդապետ Ալեքսանդր Բակուլինն իր հերթին հայտարարել է, որ կասետային զինամթերքն անհրաժեշտ է «թշնամու հետևակին առավելագույն վնաս հասցնելու համար»։
