16.05.2026 | 14:09
Երևանում հնչած կրակոցների հետևանքով տուժածներ չկան. ՆԳՆ
Թուրքիայի ԱԳ նախարարը Լավրովի հետ քննարկել է հացահատիկային գործարքը
Քաղաքականություն
18.07.2023 | 15:06
Թուրքիայի ԱԳ նախարար Հաքան Ֆիդանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ։ Երկու երկրների ԱԳՆ ղեկավարները քննարկել են, մասնավորապես, հացահատիկային գործարքի շուրջ վերջին զարգացումները, հաղորդում է թուրքական Star-ը։
Ավելի վաղ Ֆիդանը հացահատիկային գործարքի վերջին զարգացումները քննարկել է ՄԱԿ-ի գլխավոր քարտուղար Անտոնիո Գուտերեշի հետ։
Հավելենք, որ նախօրեին հացահատիկային գործարքի ժամկետը լրացել է, և ՌԴ-ն հրաժարվում է այն երկարաձգել։
Թուրքիայի նախագահ Ռեջեփ Թայիփ Էրդողանն էլ նախօրեին հայտնել էր, որ ԱԳ նախարարը պատրաստվում է հեռախոսազրույց ունենալ իր ռուս գործընկերոջ, ինքն էլ իր հերթին է նախատեսում հարցը քննարկել ՌԴ նախագահ Վլադիմիր Պուտինի հետ։
Նշենք, որ Սևծովյան հացահատիկային գործարքը կնքվել է 2022 թվականի հուլիսի 22-ին ՄԱԿ-ի, Թուրքիայի, ՌԴ-ի և Ուկրաինայի միջև՝ Սև ծովի Ուկրաինայի նավահանգիստներով ուկրաինական հացահատիկի անվտանգ արտահանման համար։
Էմմա Չոբանյան
