02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Մեկ շաբաթում ո՛չ Ռուսաստանը, ո՛չ Ուկրաինան ռազմաճակատում նկատելի հաջողությունների չեն հասել․ Մեծ Բրիտանիայի հետախուզություն
Քաղաքականություն
18.07.2023 | 10:57
Ամենօրյա ամփոփագրում բրիտանական հետախուզությունը նկարագրել է Ուկրաինայում ստեղծված իրավիճակը ճակատներում: Անցած շաբաթվա ընթացքում մարտերը շարունակվել են ռազմաճակատի տարբեր հատվածներում, երկու կողմերին էլ հաջողվել է հասնել միայն չնչին հաջողությունների, նշել են զեկույցի հեղինակները, փոխանցում է BBC-ի ռուսական ծառայությունը։
Հյուսիս-արևելքում ռուս զինվորականները փորձել են Կրեմեննայայից արևմուտք ընկած անտառներով շարժվել դեպի արևմուտք: Ուկրաինան շարունակում է զգալի ջանքեր գործադրել Ռուսաստանի կողմից վերահսկվող Բախմուտի տարածքում։ Այստեղ ռուսական ուժերը, հավանաբար, համեմատաբար խոցելի են, բայց մինչ այժմ նրանց հաջողվել է պահպանել դիրքերը։
Ավելի հարավ՝ Դոնեցկի մարզում, հատկապեսъ Ավդիևկայի շրջանում, ռուս զինվորականները փոքր հարձակումներ են կատարում, բայց առանց մեծ հաջողության։
Հարավում Ուկրաինան շարունակում է հարձակումն առնվազն երկու ուղղությամբ, սակայն դեռ չի խախտել Ռուսաստանի հիմնական պաշտպանական գծերը։ Այստեղ Ռուսաստանը, հավանաբար, սահմանափակումներ է մտցրել հրետանու կիրառման վրա՝ փորձելով պահպանել անուղղակի կրակելու կարողությունը:
Խերսոնի մարզում Ուկրաինան փոքր հենակետ է պահպանում Դնեպրի ձախ ափին՝ ավերված Անտոնովսկի կամրջի մոտ, ինչը լրացուցիչ խնդիր է ռուս հրամանատարների համար, ովքեր, հավանաբար, մտահոգված կլինեն իրենց հարավ-արևմտյան թևի խոցելիությամբ:
