08.10.2026 | 11:04
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Կոսովոն Թուրքիայից «Բայրաքթար» անօդաչու թռչող սարքեր է գնել
Քաղաքականություն
17.07.2023 | 19:51
Կոսովոյի վարչապետ Ալբին Կուրտին հայտարարել է, որ երկրի Զինված ուժերը իրենց զինանոցը համալրել են Թուրքիայից ձեռք բերված «Բայրաքթար» անօդաչու թռչող սարքերով, գրում է Անադոլու գործակալությունը։
Կուրտին սոցցանցերի իր էջերում կիսվել է անօդաչուների լուսանկարներով։
«Մենք համալրել ենք մեր բանակի զինանոցը «Բայրաքթար» անօդաչուներով, որոնք գնել ենք Թուրքիայից։ Կառավարման երկու տարում մենք ավելացրել ենք բանակի թվաքանակն ավելի քան 80 տոկոսով, իսկ բանակի բյուջեն՝ ավելի քան 100 տոկոսով»,- գրել է Կուրտին։
Նա նշել է, որ անօդաչուների շնորհիվ Կոսովոն ավելի ապահով է դարձել։ Կուրտին չի հայտնել, թե քանի անօդաչուն է ձեռք բերվել, ինչպես նաև չի ներկայացրել դրանց արժեքը։
Հավելենք, որ ավելի վաղ Սերբիայի նախագահ Ալեքսանդր Վուչիչը հայտարարել էր, որ հրաժարվել են Թուրքիայից «Բայրաքթար»-ների գնումից, քանի որ դրանք տրվել են Կոսովոյին։ Նա հայտնել էր, որ փոխարենն անօդաչուներ են գնում Չինաստանից։
Էմմա Չոբանյան
