Չունեմ ամբողջական պատասխան, թե ինչ է տեղի ունեցել. Կարապետյանը՝ իր մորը վերագրվող հայհոյանքների մասին․ ՏԵՍԱՆՅՈՒԹ

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

«Իմ մայրը նման բառեր չի գրել և առհասարակ նման բառապաշար չունի»,- այս մասին լրագրողների հետ զրույցում, անդրադառնալով համացանցում մի գրառման տակ արված անհարիր մեկնաբանություններին՝ հայհոյանքներին, նշեց ԱԺ «Քաղաքացիական պայմանագիր» խմբակցության պատգամավոր Մարիա Կարապետյանը։

Պատգամավորի խոսքով՝ պարբերաբար ինքը և իր թիմակիցները ենթարկվում ենք գրոհների սոցիալական ցանցերում։
«Երբ ես նայում եմ իմ գրառումների տակ մեկնաբանություններին, ակնհայտ է դառնում, որ դա ոչ թե ինքնաբուխ, բնական զայրույթ է, որն արտահայտվել է ոչ ճիշտ բառապաշարով, այլ կազմակերպված ինչ-որ գրոհ է և դրա նպատակը լռեցնելն է հանրային գործիչներին, այս պարագայում՝ ինձ։ Եվ ես ենթադրում եմ, որ նախորդող օրերին, հատկապես ԵԱՀԿ վեհաժողովի շրջանում տեղի ունեցած գրոհի էֆեկտիվությունը ցածր գնահատելով, կազմակերպիչները որոշել են, որ իմ անձն էլ ներգրավվեն դրա մեջ», – նշեց Կարապետյանը՝ հավելելով, որ չունի ամբողջական պատասխան, թե ինչ է տեղի ունցել, բայց վերադարձից հետո իր ֆեյսբուքյան էջին նկատել է նամակ, որով փորձել են կոտրել իր ֆեյսբուքյան էջը»։

«Այդ գրոհն այդ մասշտաբի էր հասել, ինչն ինձ համար զարմանալի էր, ես չէի ակնկալում, որ այդ ուղղությամբ այդքան ջանքեր էր պետք գործադրել։ Ես տարբերում եմ քաղաքացիների քննադատությունը հայհոյախոսությունից։ Մի օգտատեր շատ վատ բառապաշարով մեկնաբանություն էր թողել իմ գրառման տակ, անյուհետև, իբրև թե երկխոսություն էր սկսվել իմ մոր հետ, ինչը չի համապատասխանում իրականությանը։ Ինձ ճանաչող մարդիկ կարող են ենթադրություններ կազմել ինձ դաստիարակած մարդու մասին»,- ասաց պատգամավորը։

Պատգամավորի դիտարկմամբ, ամենայն հավանականությամբ իր մոր անուն-ազգանունով և գլխավոր նկարով ևս մեկ օգտահաշիվ է ստեղծվել և տպավորություն ստեղծել, թե այդ մարդն է գրառումներ արել։ «Սա վարկած է, քանի որ չեմ կարող անհերքելի ապացույցներ ներկայացնել»։

Կարապետյանը հավելեց, որ հավելեց, որ իրավապահների չի դիմի, քանի որ չի ցանկանում, որ այդ հայհոյանքները շրջանառվեն:

Մանրամասները՝ տեսանյութում։