07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Ուկրաինան կմտնի ՆԱՏՕ, Պուտինն արդեն պարտվել է պատերազմում. Ջո Բայդեն
Քաղաքականություն
14.07.2023 | 11:30
ԱՄՆ նախագահ Ջո Բայդենը Հելսինկիում հայտարարել է, որ Ուկրաինան կմիանա ՆԱՏՕ-ին, իսկ նախագահ Պուտինը, ի վերջո, կորոշի, որ պատերազմի շարունակությունը չի բխում Ռուսաստանի շահերից, գրում է BBC-ի ռուսական ծառայությունը։
Ֆինլանդիայի նախագահ Սաուլի Նիինիստոյի հետ համատեղ մամուլի ասուլիսում Բայդենին հարցրել են՝ արդյո՞ք նրա հավաստիացումը, որ Ուկրաինան կկարողանա անդամակցել ՆԱՏՕ-ին Ռուսաստանի հետ պատերազմի ավարտից հետո, Պուտինին կհանգեցնի հակամարտությունը երկարացնելու որոշման։
«Ոչ ոք չի կարող անդամակցել ՆԱՏՕ-ին, քանի դեռ պատերազմ է ընթանում, քանի որ դա երաշխավորում է Երրորդ համաշխարհային պատերազմը»,- ասել է Բայդենը:
Բայց Պուտինի համար Ուկրաինայի դեմ պատերազմում հաղթելու շանս չկա, նա արդեն պարտվել է այս պատերազմում, հավելել է ԱՄՆ նախագահը։
«Պուտինն արդեն պարտվել է։ Պուտինն իրական խնդիր ունի․ ինչպե՞ս առաջ շարժվել, ի՞նչ անել»,- ասել է Բայդենը։
«Նա պարզապես կարող է ասել՝ «Հեռանում եմ»։ Ինչ համաձայնագիր կարող է ձեռք բերվել վերջնական արդյունքում՝ կախված է այն բանից, թե ինչ կորոշի Պուտինը։ Սակայն ոչ մի հնարավորություն չկա, որ նա հաղթի Ուկրաինայում պատերազմը։ Նա արդեն պարտվել է այս պատերազմում»,- հավելել է նա։
Ջո Բայդենը ժամանել է Ֆինլանդիա Վիլնյուսում գագաթնաժողովից անմիջապես հետո։ Հելսինկիում նա հանդիպում է անցկացրել սկանդինավիան այլ երկրների՝ Դանիայի, Նորվեգիայի, Շվեդիայի և Իսլանդիայի կառավարությունների ղեկավարների հետ։
