27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Եվրախորհրդարանը հավանություն է տվել ԵՄ-ում սպառազինության արտադրությանն աջակցելու մասին օրենքին
Քաղաքականություն
13.07.2023 | 21:14
Եվրախորհրդարանը (ԵԽ) հուլիսի 13-ին հավանություն է տվել ԵՄ-ում զինամթերքի և հրթիռների արտադրությունն ավելացնելու ծրագրերին։ Այս մասին ասված է Եվրախորհրդարանի մամուլի ծառայության հաղորդագրությունում, հայտնում է korrespondent-ը։
Համապատասխան օրենքն ընդունվել է 505 կողմ ձայներով։ Եվս 56 պատգամավոր դեմ է քվեարկել, 21-ը՝ ձեռնպահ։
«Անցյալ շաբաթ ԵՄ Խորհրդի հետ համաձայնեցված տեքստի համաձայն՝ զինամթերքի արտադրության աջակցության ակտը (ASAP) նպատակ ունի արագացնել զինամթերքի և հրթիռների մատակարարումն Ուկրաինային և օգնելու անդամ երկրներին համալրել իրենց զինանոցը»,- ասվում է հայտարարության մեջ։
Փաստաթուղթը նախատեսում է 500 միլիոն եվրոյի չափով ֆինանսավորում, ASAP-ը կոչված է «բարձրացնել ԵՄ արտադրական կարողությունները պաշտպանական արտադրանքի, այդ թվում՝ հրետանային զինամթերքի, հրթիռների և դրանց բաղադրամասերի ներկայիս պակասը լուծելու համար»:
Տաթև Ֆռանգյան
