06.06.2026 | 11:56
Արամ Դանիելյանից կբռնագանձվեն բնակարաններ, հողամասեր, մեքենաներ և 100 մլն դրամ
Կինոն դադար է վերցնում․ Հոլիվուդյան սցենարիստների գործադուլին միանում են դերասանները
Քաղաքականություն
13.07.2023 | 18:53
Հոլիվուդի գլխին ամպեր են կուտակվում․ մայիսից գործադուլ անող հուլիվուդյան սցենարիստներին մտադիր են միանալ նաև դերասանները, գրում է Euronews-ը։
Նրանց արհմիությունը՝ SAG-AFTRA-ն հայտարարել է կինոստուդիաների հետ բանակցությունների ձախողման մասին։
Ամերիկայի դերասանների գիլդիան միավորում է 160 հազար արտիստների, որոնցից ոչ բոլորն են, որ աստղերի պես հոնորարներ են ստանում։ Նրանք պահանջում են աշխատավարձերի բարձրացում և վճարումներ սթրիմինգային հարթակներից՝ իրենց մասնակցությամբ ֆիլմերի ցուցադրության համար, ավելի լավ աշխատանքային պայմաններ և, վերջապես, երաշխիքներ, որ արհեստական բանականությունն իրենց չի զրկի աշխատանքից։
Դեռևս մայիսին հոլիվուդյան սցենարիստները գործադուլ էին հայտարարել։ Այդ պատճառով բազմաթիվ հեռուստահաղորդումների ու սերիալների նկարահանումները խափանվել են, որոշ խոշոր բյուջետային ֆիլմերի վրա աշխատանքը՝ դադարեցվել։
Սրանից զատ՝ դերասանների գործադուլը կարող է հանգեցնել հսկայական կորուստների և կարող է լուրջ հարված հասցնել հոլիվուդյան կինոարդյունաբերությանը։
Էմմա Չոբանյան
