15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Էրդողանը խոսել է Թուրքիայի եվրաինտեգրման գործընթացի արագացման մասին
Քաղաքականություն
13.07.2023 | 17:57
Թուրքիայի նախագահ Ռեջեփ Թայիփ Էրդողանը Վիլնյուսում ՆԱՏՕ-ի գագաթնաժողովին իրեն ուղեկցած լրագրողներին հետ զրույցում խոսել է երկրի Եվրաինտեգրման գործընթացի նոր փուլի մասին։
«Կա դրական մոտեցում երկխոսության վերականգնման ու ԵՄ-ին Անկարայի անդամակցության հարցով։ Մենք կարագացնենք Թուրքիա-ԵՄ Մաքսային միության վերանայման, ինչպես նաև վիզային ռեժիմի ազատականացման քայլերը»,- ասել է Էրդողանը, փոխանցում է TRT Haber-ը։
Նա նշել է, որ այդ հարցերով խորհրդակցությունների համար Բրյուսել է ուղարկվել իր գլխավոր խորհրդական Աքիֆ Չաղաթայ Քըլըչը, որը բանակցություններ է անցկացնելու ԵՄ ներկայացուցիչների հետ։
«Ես հավատում եմ, որ դրանք Թուրքիայի օգտին կլինեն։ Ուրսուլա ֆոն դեր Լեյենը նույնպես մեզ մի քանի դրական բան է ասել այդ մասին։ Կարծում եմ՝ իմ խորհրդական Չաղաթայն այնտեղից կվերադառնա դրական զարգացումներով»,- ասել է Թուրքիայի նախագահը։
Ըստ Էրդողանի՝ ՆԱՏՕ-ի գագաթնաժողովում դրական էր որոշման ընդունումը՝ դիմելու ԵՄ բարձր ներկայացուցչին և հանձնաժողովին՝ Թուրքիա-Եվրամիություն հարաբերությունների վերաբերյալ զեկույց պատրաստելու համար։
Թուրքիայի նախագահն ակնկալում է, որ «զեկույցը կպատրաստվի դրական և հեռանկարային ձևով»։ Էրդողանը հավելել է, որ ցանկանում են հնարավորինս շուտ տեսնել ԵՄ-ի հետ բանակցությունների շոշափելի արդյունքներ՝ հիմնված փոխշահավետության սկզբունքների վրա։
Էմմա Չոբանյան
