06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ղրղզստանը հաստատել է ռազմական նոր դոկտրին և որոշել ուժեղացնել բանակը
Քաղաքականություն
13.07.2023 | 17:37
Ղրղզստանի նախագահ Սադիր Ջապարովը հաստատել է երկրի նոր ռազմական դոկտրինը, որն ուղղված է բանակի հզորացմանը, գրում է Lenta-ն։
Նոր դոկտրինի ի հայտ գալը պայմանավորված է «պետական կառավարման համակարգի փոփոխությամբ, աշխարհում և միջինասիական տարածաշրջանում ռազմաքաղաքական իրավիճակով»։
Փաստաթղթի համաձայն՝ բանակի հզորացումը տեղի կունենա «կազմի, կառուցվածքի, խնդիրների և համապարփակ աջակցության հարցերի համակարգման և կատարելագործման միջոցով»։
Դոկտրինում նաև ասվում է, որ ապագայում Ղրղզստանը մտադիր է ձգտել ուժեղացնել պետական և ռազմական իշխանությունների գործունեության համակարգումը, որոնք «ներգրավված են երկրի ռազմական անվտանգության ապահովման մեջ»։
Ղրղզստանի և Տաջիկստանի սահմանին պարբերաբար տեղի են ունենում ռազմական բախումներ ջրի և արոտավայրերի հասանելիության հետ՝ տարածքային վեճերի պատճառով։ Վերջին ամենամեծ սրացումը տեղի է ունեցել 2022 թվականի սեպտեմբերին, որի հետևանքով զոհվել է ավելի քան հարյուր մարդ։
Տաթև Ֆռանգյան
