14.12.2024 | 16:15
Վրաստանի նախագահ է ընտրվել ազգային հավաքականի նախկին ֆուտբոլիստ Միխայիլ Կավելաշվիլին
Մակրոնին մարդու կտրված մատով նամակ են ուղարկել
Քաղաքականություն
13.07.2023 | 15:30
Ֆրանսիայի նախագահ Էմանուել Մակրոնին սպառնալից նամակ են ուղարկել։ Մասնավորապես, Ելիսեյան պալատի թղթակցային ծառայությունը փոստով հուլիսի 9-ից մինչև հուլիսի 10-ը ընկած ժամանակահատվածում ստացել է մի նամակ, որում մարդու կտրված մատ է եղել, հայտնում է Valeurs Actuelles-ը։
Դեպքը տեղի է ունեցել Բաստիլի գրավման օրվա տոնի նախօրեին, որն ավանդաբար նշվում է հուլիսի 14-ին։
Հաղորդվում է, որ ոստիկանները գտնել են այն մարդուն, ում պատկանում է մատը, սակայն չի նշվում, թե ում մասին է խոսքը և ինչի համար է այն ուղարկվել նախագահին։
Ելիսեյան պալատից հրաժարվել են այս միջադեպի մասին մեկնաբանություն տալ։
Էմմա Չոբանյան
