27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
ԱՄՆ պետքարտուղարը մեկ ամսվա ընթացքում երկրորդ անգամ կհանդիպի չինացի դիվանագետի հետ
Քաղաքականություն
13.07.2023 | 16:09
ԱՄՆ պետքարտուղար Էնթոնի Բլինքենը մեկ ամսվա ընթացքում երկրորդ անգամ կհանդիպի Չինաստանի Կոմունիստական կուսակցության Կենտրոնական կոմիտեի արտաքին հարաբերությունների հանձնաժողովի գրասենյակի ղեկավար Վան Յիի հետ։ Այս մասին հայտնում է Bloomberg-ը։
Դիվանագետների հանդիպումը կանցկացվի Ջակարտայում Հարավարևելյան Ասիայի երկրների ասոցիացիայի (ԱՍԵԱՆ) ԱԳ նախարարների տարեկան հանդիպման շրջանակում։
Գործակալության տվյալներով՝ մեկ ամսվա ընթացքում նրանք կանցկացնեն երկրորդ բանակցությունները, քանի որ «երկու խոշորագույն տնտեսություններն ակտիվացնում են բարձր մակարդակի երկխոսությունը՝ կայունացնելու հարաբերությունները»։
ԱՄՆ պետքարտուղարի նախորդ հանդիպումը չինական դիվանագիտության ղեկավարի հետ տեղի էր ունեցել հունիսի 19-ին, Չինաստան Բլինքենի կատարած այցի ժամանակ։
Ուղևորության ընթացքում նա հանդիպել էր նաև Չինաստանի արտաքին գործերի նախարար Ցին Գանգի և Չինաստանի նախագահ Սի Ցզինպինի հետ։
Տաթև Ֆռանգյան
