08.10.2026 | 11:04
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Ալիևը Բաքվում Իսրայելի ՊՆ ղեկավարի հետ ռազմատեխնիկական համագործակցության հարցեր է քննարկել
Քաղաքականություն
13.07.2023 | 14:36
Ադրբեջանի նախագահ Իլհամ Ալիևը Բաքվում ընդունել է Իսրայելի պաշտպանության նախարար Յոավ Գալանտին, հայտնում են տեղական լրատվամիջոցները։
Ադրբեջանի նախագահականի հաղորդմամբ՝ հանդիպման ընթացքում կողմերը գոհունակություն են հայտնել երկկողմ հարաբերությունների զարգացման, այդ թվում՝ ռազմատեխնիկական ոլորտում համագործակցության կապակցությամբ։ Կարևորվել է նաև Իսրայելում Ադրբեջանի դեսպանատան բացումը համագործակցության ընդլայնման տեսանկյունից։
Նշենք, որ Ալիևի ու Գալանտի նախորդ հանդիպումը տեղի էր ունեցել այս տարվա փետրվարին Մյունխենի անվտանգության համաժողովի շրջանակում։
Հավելենք, որ Ադրբեջան այցի ընթացքում Գալանտը հանդիպումներ է ունենալու նաև պաշտպանության նախարար Զաքիր Հասանովի, Պետական սահմանապահ ծառայության ղեկավար Էլչին Գուլիևի, այլ պաշտոնյաների հետ։
Էմմա Չոբանյան
