06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Թուրքիան մինչև հոկտեմբեր չի վավերացնի ՆԱՏՕ-ին Շվեդիայի անդամակցության հայտը․ Էրդողան
Քաղաքականություն
13.07.2023 | 13:25
Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան չի կարողանա առնվազն մինչև հոկտեմբեր վավերացնել ՆԱՏՕ-ին Շվեդիայի անդամակցության հայտը, քանի որ խորհրդարանը նիստ չի գումարում, գրում է Turkish Minute-ը՝ վկայակոչելով AFP-ին։
«Խորհրդարանը երկամսյա արձակուրդում է։ Իհարկե, այս տոնը հնարավոր չի լինի ավարտել մինչև հոկտեմբեր։ Կան բազմաթիվ միջազգային պայմանագրեր, կան բազմաթիվ օրենսդրական առաջարկներ, որոնք պետք է քննարկվեն։ Մենք դա անում ենք ըստ կարևորության: Բայց մեր նպատակն է հնարավորինս շուտ ավարտել այս գործընթացը»,- ասել է էրդողանը Վիլնյուսում կայացած մամուլի ասուլիսում։
Հրապարակման մեջ նշվում է, որ Էրդողանի մեկնաբանությունները սպառնում են հիասթափեցնել և անհանգստացնել Շվեդիայի ու ՆԱՏՕ-ի պաշտոնյաներին։ Արևմտյան որոշ առաջնորդներ հույս ունեին, որ Թուրքիան կկարողանա ավարտել վավերացման գործընթացը մոտակա շաբաթների ընթացքում։
Հիշեցնենք, որ հուլիսի 10-ն Վիլնյուսում ՆԱՏՕ-ի գագաթնաժողովի մեկնարկից առաջ Էրդողանը եռակողմ հանդիպում էր ունեցել դաշինքի գլխավոր քարտուղար Յենս Ստոլտենբերգի և Շվեդիայի վարչապետ Ուլֆ Քրիստերսոնի հետ։ Բանակցություններից հետո Ստոլտենբերգը հայտնել էր, որ Էրդողանը համաձայնել է աջակցել Շվեդիայի՝ ՆԱՏՕ-ին անդամակցության հայտի վավերացմանը։
Էմմա Չոբանյան
