08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
2025 թվականին նրանք կհեռանան. Էրդողանը՝ Արցախում ռուս խաղաղապահների մասին
Քաղաքականություն
12.07.2023 | 21:22
Թուրքիայի նախագահ Ռեջեփ Թայիփ Էրդողանը Վիլնյուսում մամուլի ասուլիսում, ի թիվս այլ հարցերի, անդրադարձել է նաև Արցախում տեղակայված ռուս խաղաղապահների թեմային՝ պատասխանելով ադրբեջանցի լրագրողի հարցին։ Նա նշել է, որ մինչև 2025 թվականը ռուս խաղաղապահները մնալու են Արցախում։
«Պայմանավորվածությունն այն է, որ մինչև 2025 թվականը Ռուսաստանը կլինի նշանակված վայրերում։ Ես հավատում եմ, որ Ռուսաստանը հավատարիմ կմնա այս համաձայնագրին։ 2025 թվականին Ռուսաստանը կհեռանա տարածքից»,- ասել է Էրդողանը։
Նա նշել է, որ իր ընկերը՝ Ադրբեջանի նախագահ Իլհամ Ալիևն ուշադիր հետևում է իրավիճակին։
Հավելենք, որ ըստ 2020 թվականի նոյեմբերի 9-ի եռակողմ հայտարարության՝ ռուս խաղաղապահներն Արցախում մնալու են մինչև 2025 թվականը, կողմերի ցանկությամբ՝ ժամկետը կարող է երկարաձգվել։
Էմմա Չոբանյան
