15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
«Վագները» Բելառուսի ՊՆ հատուկ ջոկատայինների հետ կներգրավվի մարտական պատրաստության գործում
Քաղաքականություն
12.07.2023 | 20:23
Բելառուսի հատուկ նշանակության ստորաբաժանումները և ռուսական «Վագներ» մասնավոր ռազմական ընկերության մարտիկները միասին կաշխատեն մարտական պատրաստության ուղղությամբ։ Այս մասին հայտարարել է Բելառուսի ներքին գործերի փոխնախարար, ներքին զորքերի հրամանատար Նիկոլայ Կարպենկովը, գրում է Belta-ն։
«Այսօր բանակցություններ են ընթանում «Վագներ» ռազմականացված խմբավորման ներկայացուցիչների հետ, որոնք մեզ հետ պետք է զբաղվեն մարտական պատրաստվածությամբ, մեզ փոխանցեն իրենց մարտական փորձը։ Կշարունակեն այստեղ ժամանել «ՍՕԲՐԻ», «Ալմազ» խմբերը»,- ասել է Նիկոլայ Կարպենկովը։
«Մենք կյուրացնենք այն ամենը, ինչ օգտագործվում և կիրառվում է Ուկրաինայում, ինչպես նաև կկիրառենք»,- հավելել է նա։
Բելառուսի նախագահ Ալեքսանդր Լուկաշենկոն ավելի վաղ հայտարարել էր, որ «Վագների» զինյալները «վախենալու ոչինչ չունեն», և որ նրանց մարտական փորձն օգտակար կլինի իրենց զինվորականների համար։
Տաթև Ֆռանգյան
