24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
ՆԱՏՕ-ի գագաթնաժողովի արդյունքներն Ուկրաինայի համար լավ են, բայց ոչ կատարյալ․ Զելենսկի
Քաղաքականություն
12.07.2023 | 18:54
ՆԱՏՕ-ի գագաթնաժողովի արդյունքները լավն են, բայց եթե դաշինքին անդամակցության հրավեր լիներ, դրանք կատարյալ կլինեին։ Այս մասին Վիլնյուսում տեղի ունեցած մամուլի ասուլիսում ասել է Ուկրաինայի նախագահ Վլադիմիր Զելենսկին, փոխանցում է BBC-ի ռուսական ծառայությունը։
ՆԱՏՕ-ի երկրների ղեկավարները նախօրեին Վիլնյուսի գագաթնաժողովում հայտարարեցին, որ Ուկրաինան ապագայում կդառնա դաշինքի անդամ, միաժամանակ, կարիք չի ունենա իրականացնելու երկարաժամկետ, այսպես կոչված, թեկնածուի «գործողությունների ծրագիրը», սակայն նրանք չեն նշել պայմանները և պաշտոնապես չեն հրավիրել Ուկրաինային՝ անդամակցել դաշինքին, ինչպես հույս ուներ Զելենսկին:
«Ոչ ոք չի ցանկանում համաշխարհային պատերազմ, և մենք կարող ենք դա հասկանալ, մենք քաղաքակիրթ մարդիկ ենք, պարզ է, որ չենք կարող դառնալ ՆԱՏՕ-ի անդամ, քանի դեռ պատերազմը շարունակվում է»,- խոստովանել է Զելենսկին։
Ուկրաինայի նախագահը հավելել է, որ չորեքշաբթի ակնկալում է Լիտվայի մայրաքաղաքում կայանալիք հավաքի ևս մեկ կարևոր արդյունք։
«Այսօր կա ևս մեկ կարևոր ազդանշան. եթե այսօր G7-ը համաձայնի անվտանգության երաշխիքների մասին հռչակագրին, ապա կասի, որ երաշխիքները կմնան ուժի մեջ, քանի դեռ մենք գնում ենք դեպի ՆԱՏՕ։ Դա մեզ համար կարևոր քայլ կլինի»,- ասել է Զելենսկին։
Ավելի վաղ էլ Մեծ Բրիտանիայի կառավարությունն ու ԱՄՆ նախագահի վարչակազմը հայտնել էին, որ չորեքշաբթի՝ հուլիսի 12-ին, ՆԱՏՕ-ի գագաթնաժողովի շրջանակում G7-ի անդամ երկրները կստորագրեն առաջիկա տարիներին Ուկրաինային ռազմական աջակցության հռչակագիր-պլան։
