27.06.2026 | 01:05
ԱԱ-2026. Դեմբելեի հեթ-տրիկը հաղթանակ բերեց Ֆրանսիային, Սենեգալը խփեց 5 գոլ. ՏԵՍԱՆՅՈՒԹ
Վիլնյուսում Էրդողանը բանակցություններ է անցկացրել Հունաստանի վարչապետի հետ
Քաղաքականություն
12.07.2023 | 19:52
Վիլնյուսում երկրորդ օրն է՝ շարունակվում է ՆԱՏՕ-ի գագաթնաժողովը, որի շրջանակում Թուրքիայի նախագահ Ռեջեփ Թայիփ Էրդողանը հանդիպումներ է անցկացնում տարբեր երկրների ղեկավարների հետ։ Թուրքական լրատվամիջոցների հաղորդմամբ՝ Էրդողանն այսօր հանդիպել է նաև Հունաստանի վարչապետ Կիրիակոս Միցոտակիսի հետ։
Հունական աղբյուրներն իրենց հերթին հայտնում են, որ հանդիպումը տևել է մոտ մեկ ժամ։ Նշվում է, որ հանդիպման սկզբում Էրդողանն ընդգծել է երկու երկրներում նոր կաբինետների ձևավորումը։ Միցոտակիսն էլ ընդգծել է Հունաստանի և Թուրքիայի արտաքին գործերի նախարարների դրական շփման և համագործակցության փաստը։
Հանդիպման մեկնարկին ներկա է եղել նաև Ազգային հետախուզական գործակալության (MIT) նոր ղեկավար Իբրահիմ Քալընը։
Վերլուծաբաններն այս հանդիպումը որակում են որպես երկկողմ հարաբերությունները վերականգնելու ջանք, որտեղ Միացյալ Նահանգներն առանցքային դեր է խաղում։
Էմմա Չոբանյան
