07.10.2026 | 23:48
Արթուր Դանիելյանը կալանավորվեց
Զելենսկին հանդիպել է ՆԱՏՕ-ի երկրների առաջնորդների հետ
Քաղաքականություն
12.07.2023 | 16:13
Ուկրաինայի նախագահ Վլադիմիր Զելենսկին չորեքշաբթի առավոտյան Վիլնյուսում ՆԱՏՕ-ի գագաթնաժողովի շրջանակում առանձին հանդիպում է անցկացրել դաշինքի տարբեր երկրների ղեկավարների հետ, գրում է BBC-ի ռուսական ծառայությունը։
Արդեն մեկնարկել է նաև հանդիպումը Գերմանիայի կանցլեր Օլաֆ Շոլցի հետ, իսկ մինչ այդ Զելենսկին զրուցել է Կանադայի վարչապետ Ջասթին Թրյուդոյի հետ։
«Օլաֆ Շոլցի հետ երկխոսությունը, ինչպես միշտ, իմաստալից կլինի։ Մենք ակնկալում ենք լավ նորություններ՝ ուկրաինացիների կյանքը պաշտպանելու և մեր անվտանգության համար»,- գրել է Զելենսկին Գերմանիայի կանցլերի հետ հանդիպումից առաջ։
Քննարկումների բովանդակության և արդյունքների մասին տեղեկություններ դեռևս չկան։
Ավելի վաղ Մեծ Բրիտանիայի կառավարությունն ու ԱՄՆ նախագահի վարչակազմը հայտնել էին, որ չորեքշաբթի ՆԱՏՕ-ի գագաթնաժողովի շրջանակում G7-ի անդամ երկրներն առաջիկա տարիներին Ուկրաինային ռազմական աջակցության հռչակագիր-պլան կստորագրեն։
