11.01.2025 | 18:00
Հայաստանի էներգետիկ անվտանգության գլխին կախված Դամոկլյան սուրը
Մեծ Բրիտանիան Ուկրաինային զինամթերք և ռազմական տեխնիկա կմատակարարի
Քաղաքականություն
12.07.2023 | 15:53
Մեծ Բրիտանիայի կառավարությունը հայտնել է, որ Ուկրաինային կտրամադրի ավելի քան 70 մարտական և նյութատեխնիկական մեքենա, հազարավոր Challenger 2 տանկեր և 50 միլիոն ֆունտ սթեռլինգ՝ տեխնիկայի վերանորոգման համար, գրում է VOA-ն:
Լոնդոնը նաև նշել է, որ G7-ի երկրները չորեքշաբթի կստորագրեն նոր շրջանակային ծրագիր, որը նախատեսում է երկարաժամկետ, երկկողմ պարտավորություններ Ուկրաինայի անվտանգության նկատմամբ, որը մանրամասն կներկայացվի ավելի ուշ:
ՆԱՏՕ-ի առաջնորդների գագաթնաժողովը մեկնարկել է երեքշաբթի Վիլնյուսում՝ ռուսական օկուպացիոն ուժերի դեմ ուկրաինական հակահարձակման ֆոնին:
Երեքշաբթի ՆԱՏՕ-ի ղեկավարներն ասել են, որ Ուկրաինան պետք է կարողանա ապագայում միանալ ռազմական դաշինքին, սակայն անմիջապես հրավեր չուղարկեցին Կիևին, ինչը զայրացրեց Ուկրաինայի նախագահ Վլադիմիր Զելենսկիին:
«ՆԱՏՕ-ին անդամակցելու ուղղությամբ Ուկրաինայի առաջընթացին աջակցելը, ինչպես նաև պաշտոնական, բազմակողմ և երկկողմանի համաձայնագրերն ու ՆԱՏՕ-ի անդամների ճնշող աջակցությունը հզոր ուղերձ կուղարկեն նախագահ Պուտինին և կվերադարձնեն խաղաղությունը Եվրոպա»,- ասվում է Մեծ Բրիտանիայի վարչապետ Ռիշի Սունակի հայտարարության մեջ։
