15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Իսրայելի ՊՆ ղեկավարը պաշտոնական այցով Ադրբեջան կժամանի
Քաղաքականություն
12.07.2023 | 12:38
Բաքվի և Թել Ավիվի միջև ինտենսիվ շփումներն ու փոխայցերը շարունակվում են։ Մասնավորապես, այսօր պաշտոնական այցով Ադրբեջան կժամանի Իսրայելի պաշտպանության նախարար Յոավ Գալանտը, հայտնում են ադրբեջանական լրատվամիջոցները։
Նշվում է, որ այցի ընթացքում, որը տևելու է մինչև հուլիսի 14-ը, նախատեսված են Գալանտի հանդիպումներն Ադրբեջանի նախագահ Իլհամ Ալիևի, պաշտպանության նախարար Զաքիր Հասանովի, Պետական սահմանապահ ծառայության ղեկավար Էլչին Գուլիևի և այլ պաշտոնյաների հետ։
«Ադրբեջան այցի նպատակը ռազմավարական հարաբերությունների և քաղաքական համագործակցության ամրապնդումն է: Ակնկալվում է, որ պաշտպանության նախարարն իր գործընկերների հետ կքննարկի տարածաշրջանային կայունության ամրապնդման ուղիները»,- ասվում է հաղորդագրության մեջ։
Հավելենք, որ վերջին շրջանում, հատկապես Ադրբեջանի կողմից Իսրայելում դեսպանատուն բացելուց հետո, երկու երկրների միջև շփումներն ավելի ինտենսիվ են։
Մայիսի վերջին Իսրայելի նախագահ Իսաակ Հերցոգն էր պաշտոնական այց կատարել Ադրբեջան, ապրիլի կեսերին էլ բավական ներկայացուցչական կազմով Բաքվում էր ԱԳ նախարար Էլի Քոենը։ Մինչ այդ, Իսրայել էր այցելել Ադրբեջանի ԱԳ նախարար Ջեյհուն Բայրամովը, որտեղ մարտի 29-ին Բայրամովն ու Քոենը պաշտոնապես բացել էին Իսրայելում Ադրբեջանի դեսպանատունը։
Էմմա Չոբանյան
