07.10.2026 | 23:48
Արթուր Դանիելյանը կալանավորվեց
Չինաստանն ուժեղացնում է ռազմական ճնշումը Թայվանի վրա
Քաղաքականություն
12.07.2023 | 14:09
Չինաստանը երկու օրով դեպի Թայվան է ուղարկել ռազմածովային նավեր և ռազմական ինքնաթիռների մեծ խումբ, ներառյալ՝ կործանիչներ և ռմբակոծիչներ։ Այս մասին գրում է DW-ի ռուսական ծառայությունը՝ վկայակոչելով Թայվանի Պաշտպանության նախարարությանը։
Ռազմական գերատեսչության տվյալներով՝ Թայվանը հնարավոր ներխուժումից պաշտպանելուն ուղղված ամենամյա զորավարժությունների մեկնարկից առաջ Չինաստանի Ժողովրդական ազատագրական բանակն ուղարկել է 38 ռազմական ինքնաթիռ և 9 նավ։
Հուլիսի 12-ի առավոտից մինչև կեսօր չինացի զինվորականները ևս 30 թռիչք են իրականացրել J-10 և J-16 կործանիչների ներգրավմամբ։ Չինաստանի ռազմական ինքնաթիռները երկու օրվա ընթացքում առնվազն 55 անգամ հատել են Թայվանի նեղուցի միջին գիծը՝ ոչ պաշտոնական սահմանը, որը համարվում է անվտանգության գոտի կղզու և մայրցամաքի միջև:
Հուլիսի վերջին Թայվանը նախատեսում է ամենամյա զորավարժություն անցկացնել, որի ընթացքում զինված ուժերի ստորաբաժանումները կմարզվեն՝ մարտունակությունը բարձրացնելու և ներխուժումը կանխելու համար։ Բացի այդ, տեղի կունենան ամենամյա վարժանքներ, որոնք ուղղված կլինեն խաղաղ բնակչությանը բնական աղետներին նախապատրաստելուն և օդային հարձակումների դեպքում տարհանմանը:
Տաթև Ֆռանգյան
