07.10.2026 | 23:48
Արթուր Դանիելյանը կալանավորվեց
Լիտվան ՆԱՏՕ-ին կոչ է արել մշտական ռազմաբազաներ ստեղծել ՌԴ- հետ սահմանին․ The Times
Քաղաքականություն
11.07.2023 | 16:18
ՆԱՏՕ-ն պետք է հրաժարվի Ռուսաստանի հետ համագործակցության հիմնադիր ակտից և մշտական հիմունքներով ռազմաբազաներ հիմնի ՌԴ-ի սահմանների մոտ։ Այս մասին հայտարարել է Լիտվայի նախագահ Գիտանաս Նաուսեդան։
«Երբ Ռուսաստանն ակտիվ քայլեր է ձեռնարկում Բելառուսում մարտավարական միջուկային զենք տեղակայելու համար, և մենք ունենք բոլոր ապացույցները, որ դա տեղի է ունենում, մենք պետք է վերջապես հայտարարենք, որ Ռուսաստան-ՆԱՏՕ հիմնադիր ակտը մեռած է»,- The Times-ին ասել է Նաուսեդան:
Նրա խոսքով՝ այս քայլը «շատ մայրաքաղաքներին խանգարում է սթափ մտածել և պահում է ռազմավարական անորոշության գորշ գոտում»։
Արևմտյան երկրները պետք է ուժեղ լինեն, քանի որ դա «լավագույն զսպող միջոցն է», ընդգծել է Նաուսեդան՝ հավելելով, որ հակառակ դեպքում ՌԴ նախագահ Վլադիմիր Պուտինն Արևմուտքի «խոցելիության ազդանշաններ» կստանա։
Նշենք, որ փաստաթղթում, որը ստորագրվել է 1997 թվականին, ասվում է, որ ՆԱՏՕ-ն և Ռուսաստանը միմյանց չեն դիտարկում որպես հակառակորդներ։
Տաթև Ֆռանգյան
