13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Մայիսի 14-ից հետո Սևանի մակարդակը բարձրացել է․ Տերտերյան․ ՏԵՍԱՆՅՈՒԹ
Տնտեսություն
11.07.2023 | 12:07
Այսօր ԱԺ արտահերթ նիստում քննարկվում է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը։
Հիմնական զեկուցող՝ Տարածքային կառավարման և ենթակառուցվածքների նախարարի տեղակալ Վաչե Տերտերյանը հայտնեց, որ առաջարկվում է Սևանա լճի ջրառի 170 միլիոն խորանարդ մետր չափաքանակը հասցնել մինչև 240 միլիոն խորանարդ մետրի՝ պայմանավորված տարվա եղանակային պայմաններով, ջրավազանների լցվածությամբ, գետերի ջրատվությամբ։
Անդրադառնալով ԱԺ «Քաղաքացիական պայմանագիր» խմբակցության պատգամավոր Սերգեյ Բագրատյանը հարցին, թե մինչ այս պահը ինչքան ջուր է բաց թողնվել Սևանա լճից և որքան է մտել լիճ, Տերտերյանը պատասխանեց, որ այս տարի ջրառն սկսվել է իրականացվել մայիսի 14-ին՝ այսինքն շուրջ կես ամիս ավելի շուտ։
«Մինչ այսօր Սևանից վերցրել ենք 82,3 միլիոն խորանարդ մետր, իսկ Արփա-Սևան թունելի հիդրոտեխնիկական համակարգով դեպի Սևան տեղափոխվել է 81,38 միլիոն խորանարդ մետր»,- հայտնեց Տարածքային կառավարման և ենթակառուցվածքների նախարարի տեղակալը։
Տերտերյանը հավելեց, որ մայիսի 14-ից հետո Սևանի մակարդակը բարձրացել է 13 սմ-ով։
Մանրամասները՝ տեսանյութում։
