16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Ուկրաինայում սկսել են կառուցել «Բայրաքթար» ԱԹՍ-ների արտադրության գործարանը
Քաղաքականություն
10.07.2023 | 15:21
Ուկրաինայում սկսվել է թուրքական ավիաշինական Baykar ընկերության կողմից «Բայրաքթար» անօդաչու թռչող սարքերի արտադրության ձեռնարկության կառուցումը։ Այս մասին հայտարարել է Ուկրաինայի ռազմավարական արդյունաբերության նախարար Ալեքսանդր Կամիշինը, փոխանցում է Yeni Safak-ը։
«Եթե անդրադառնանք «Բայրաքթար» գործարանին, որի մասին խոսում են Ուկրաինայում արդեն մի քանի տարի, ապա այս գործարանի շինարարական աշխատանքները սկսվել են։ Դրա շուրջ բանակցություններ եղան, հետո եղան դադարներ, սկանդալներ։ Այս գործարանը սկսեց կառուցվել գործնականում, այլ ոչ միայն հուշագրերի վրա»,- ասել է Ալեքսանդր Կամիշինը Ռադա հեռուստաալիքի եթերում։
Հուլիսի 8-ին Թուրքիան և Ուկրաինան հուշագիր են ստորագրել անօդաչու սարքերի համատեղ արտադրության զարգացման մասին։
Թուրքական Baykar ընկերության գործադիր տնօրեն Հալուք Բայրաքթարը հայտնել է, որ ընկերությունն ակնկալում է 2025 թվականին սկսել Ուկրաինայում Bayraktar TB2 և Bayraktar Akinci անօդաչու թռչող սարքերի արտադրությունը։
Տաթև Ֆռանգյան
