16.05.2026 | 15:36
ԵՏՄ-ից դուրս գալը Հայաստանին կարժենա առնվազն 5 մլրդ դոլար. Վյաչեսլավ Վոլոդին
Ուզբեկստանի գործող նախագահը հաղթել է արտահերթ նախագահական ընտրություններում
Քաղաքականություն
10.07.2023 | 13:57
Ուզբեկստանի գործող նախագահ Շավքաթ Միրզիյոևը հաղթել է արտահերթ նախագահական ընտրություններում՝ հավաքելով 87,05% ձայն։ Այս մասին այսօր՝ հուլիսի 10-ին, հայտնել է երկրի ԿԸՀ ղեկավար Զայնիդդին Նիզամխոջաևը, փոխանցում է Tengri news-ը։
Երկրորդ տեղում «Ադոլաթի» («Արդարություն») կուսակցության թեկնածու, Գերագույն դատարանի նախագահի առաջին տեղակալ Ռոբախոն Մախմուդովան է՝ 4,43 տոկոս ձայնով, երրորդ տեղում Ուզբեկստանի Ժողովուրդների դեմոկրատական կուսակցության նախագահ Ուլուգբեկ Ինոյատովն է՝ 4,02%, չորրորդը հորիզոնականում՝ Էկոլոգիական կուսակցության առաջնորդ Աբդուշուքյուր Խամզաևը՝ 3,74% ձայնով։
Ընտրողների մասնակցությունը կազմել է 79,8% կամ 15,6 մլն ընտրող։
2021 թվականին Ուզբեկստանի նախագահական ընտրություններում Շավքաթ Միրզիյոևը հաղթել էր՝ հավաքելով ձայների 80,31 տոկոսը, ընտրողների մասնակցությունը կազմել էր 80,04 տոկոս։
Ուզբեկստանում արտահերթ նախագահական ընտրություններ են անցկացվել այն բանից հետո, երբ սահմանադրական փոփոխություններ են կատարվել, որոնցով նախագահի լիազորությունների ժամկետը երկարացվել է՝ 5-ից հասցնելով 7 տարվա։
Տաթև Ֆռանգյան
