24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
Չինաստանում տղամարդը դանակով ներխուժել է մանկապարտեզ՝ խլելով 6 մարդու կյանք
Քաղաքականություն
10.07.2023 | 12:12
Չինաստանի հարավային Գուանդուն նահանգի մանկապարտեզում դանակով հարձակման հետևանքով 6 մարդ է զոհվել, ևս մեկը վիրավորվել է։ DW-ի ռուսական ծառայության փոխանցմամբ՝ այս մասին հայտնել է քաղաքային իշխանությունների ներկայացուցիչը։
«Զոհերի թվում են մեկ մանկավարժ, երկու ծնող և մանկապարտեզի երեք սան», – ասել է պաշտոնյան։
Ոստիկանության տվյալներով՝ Լյանցզյանում 25-ամյա երիտասարդ է բերման ենթարկվել։ Հանցագործի արարքի դրդապատճառները պարզվում են։
Փորձագետները նշում են, որ Չինաստանում աշակերտների վրա հարձակումները երկար տարիներ է՝ մեծ խնդիր են։ Բռնության դեպքերը սրվել են, մասնավորապես, երբ տնտեսությունը սկսել է աճել, իսկ հարուստների և աղքատների միջև անդունդն արագորեն մեծանում է։
Տաթև Ֆռանգյան
