16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Բայդենը հայտարարել է, որ ՆԱՏՕ-ին Ուկրաինայի անդամակցության հարցը հնարավոր կլինի քննարկել միայն պատերազմի ավարտից հետո
Քաղաքականություն
10.07.2023 | 13:33
Ուկրաինան դեռևս պատրաստ չէ ՆԱՏՕ-ին անդամակցելուն։ Այս մասին հայտարարել է ԱՄՆ նախագահ Ջո Բայդենը CNN-ին տված հարցազրույցում։
Նրա խոսքով՝ ՆԱՏՕ-ն կկարողանա դիտարկել Ուկրաինայի անդամակցության հարցը միայն պատերազմի ավարտից հետո։
Միաժամանակ, Սպիտակ տան ղեկավարը հավելել է, որ թեև վաղաժամ է համարում դաշինքին Ուկրաինայի անդամակցության քննարկումը, սակայն ՆԱՏՕ-ի երկրները կշարունակեն Կիևին տրամադրել Ռուսաստանի կողմից սանձազերծված պատերազմին վերջ տալու համար անհրաժեշտ զենքերը։
«Չեմ կարծում, որ հիմա է պետք անդամակցել ՆԱՏՕ-ին, երբ պատերազմ է, կա միակարծություն Ուկրաինային ՆԱՏՕ ընդունելու կամ չընդունելու հարցի շուրջ»,- ասել է Բայդենը։
Նա նաև հավելել է, որ այդ հարցը մանրամասն քննարկել է նախագահ Զելենսկիի հետ և խոստացել, որ ԱՄՆ-ը կշարունակի Կիևին զենք մատակարարել այնպես, ինչպես դա անում է Իսրայելի համար։
«Կարծում եմ, որ մենք պետք է ռացիոնալ ճանապարհ հարթենք, որպեսզի Ուկրաինան կարողանա անդամակցել ՆԱՏՕ-ին»,- ասել է Բայդենը՝ նշելով, որ մինչ պատերազմը մերժել է Ռուսաստանի նախագահ Վլադիմիր Պուտինի՝ Ուկրաինային ՆԱՏՕ չընդունելու խոստում տալու պահանջները, քանի որ դաշինքը դռները բաց պահելու քաղաքականություն է վարում։
Տաթև Ֆռանգյան
