17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
Էրդողանը կրկին արգելափակում է ՆԱՏՕ-ին Շվեդիայի անդամակցությունը
Քաղաքականություն
07.07.2023 | 18:50
Թուրքիայի նախագահ Ռեջեփ Թայիփ Էրդողանը Ստամբուլում Ազգային պաշտպանության համալսարանի շրջանավարտ 249 սպաներին ուղղված ելույթում անդրադարձել է նաև ՆԱՏՕ-ին Շվեդիայի անդամակցության թեմային, գրում է Անադոլու գործակալությունը։
Նա նշել է, որ Անկարայի դիրքորոշումը ՆԱՏՕ-ի ընդլայնման հարցում դրական է, քանի որ Անկարան միշտ աջակցել է դաշինքի ընդլայնմանը։ Էրդողանը, միաժամանակ, ասել է, որ Թուրքիան Շվեդիայից ակնկալում է «ահաբեկչության դեմ պայքարի հարցում ստանձնած պարտավորությունների կատարում»՝ Մադրիդում ՆԱՏՕ-ի գագաթնաժողովի շրջանակում ստորագրված եռակողմ հուշագրին համապատասխան։
«Ինչպե՞ս կարելի է վստահել մի երկրի (Շվեդիային), որի փողոցներում ազատ թափառում և գործում են ահաբեկիչները։ Ինչպիսի՞ ներդրում կարող է ունենալ դաշինքում մի պետություն, որը չի հեռանում ահաբեկչական կազմակերպություններից»,- նշել է Թուրքիայի նախագահը։
Հավելենք, որ հաջորդ երկուշաբթի, հուլիսի 11-12-ը Վիլնյուսում կայանալիք ՆԱՏՕ-ի գագաթնաժողովից առաջ, Էրդողանը հանդիպելու է Շվեդիայի վարչապետին՝ դաշինքին անդամության բանակցությունների հարցով։
Էմմա Չոբանյան
